Sveitarstjórn
Rangárþings eystra ásamt stjórnendum nokkurra stofnanna heimsóttu
nokkur nágrannasveitarfélög í vestri í lok síðustu viku. Ástæða
ferðarinnar var að nú er verið að skoða nokkra mikilvæga málaflokka í
sveitarfélaginu og var áætlunin að skoða hvernig þeim er háttað hjá
Ölfus, Hveragerði og Árborg. Málefnin sem um ræðir eru sorpmál,
íþróttamannvirki og málefni dvalar-og hjúkrunarheimila.
Byrjað
var á því að skoða aðstöðuna í Sundhöllinni á Selfossi en þaðan var
haldið að dvalarheimilinu Ás í Hveragerði. Frá Ási var ferðinni heitið
að Heilsustofnun NLFÍ þar sem Ingi Þór tók á móti hópnum og leiddi hann í
gegnum starfsemina. Aldís bæjarstjóri Hveragerðisbæjar hitti hópinn
eftir hádegi og fór með hann í skoðunarferð um bæinn. Frá Hveragerði var
haldið til Þorlákshafnar á fund sveitarstjóra og skoðuð voru bæði
íþróttamannvirki og dvalarheimilið 9-jan.
Ferðin heppnaðist með eindæmum vel og þakkar sveitarstjórn fyrir góðar móttökur.