Staðsetning aparólu á Hvolsvelli - niðurstöður úr könnun

Í byrjun apríl setti starfshópur um Heilsueflandi samfélag upp óformleg könnun á heimasíðu og facebook síðu sveitarfélagsins varðandi staðsetningu á væntanlegri aparólu. Möguleikarnir voru tveir, annars vegar við ærslabelginn og hins vegar á Gíslahól við Hvolsskóla. Einnig var boðið upp á að nefna aðra mögulegar staðsetningar. Þessi könnun var einnig lögð fyrir nemendur í 3., 5., 7. og 10. bekk í Hvolsskóla.

Það er skemmst frá því að segja að aparóla við ærslabelginn hlaut yfirgnæfandi kosningu í þessari könnun en af þeim 178 svörum sem bárust þá voru það 129 sem vildu aparólu við ærslabelginn en 49 á Gíslahól. 

Þessar niðurstöður verða svo hafðar til hliðsjónar þegar aparólan kemur á svæðið og endanleg staðsetning valin.

Starfshópur um Heilsueflandi samfélag þakkar öllum þeim sem tóku þátt.