Fréttir

Vegna viðgerðar verður heitavatnslaust á Hvolsvelli og nágrenni þann 2. júlí frá kl 16:00 til kl 19:00. Frekari upplýsingar má finna á heimasíðu Veitna: www.veitur.is.

Sorpstöð Rangárvallasýslu bs., byggðasamlag sveitarfélaganna Rangárþings ytra og eystra og Ásahrepps óskar eftir tilboðum í þjónustusamning til brennslu á 2500 tonnum/ári af óendurnýtanlegum úrgangi frá heimilum, fyrirtækjum og iðnaði á starfssvæði Sorpstöðvar Rangárvallasýslu. Áhersla skal lögð á, að hægt verði að nýta varmaorkuna frá brennslunni.

Mikið er um að vera á Hvolsvelli þessa dagana og bærinn iðar af lífi. Mikið er um framkvæmdir bæði á vegum sveitarfélagsins og einkaaðila.

Að venju var 17. júní haldinn hátíðlegur í Rangárþingi eystra. Hátíðarhöld voru á Hvolsvelli sem 3. flokkur kvenna KFR sá um þetta árið ásamt tilvonandi 10. bekkingum Hvolsskóla sem sáu um glæsilegt morgunkaffi.