Fréttir

Sorpstöð Rangárvallasýslu bs., byggðasamlag sveitarfélaganna Rangárþings ytra og eystra og Ásahrepps óskar eftir tilboðum í þjónustusamning til brennslu á 2500 tonnum/ári af óendurnýtanlegum úrgangi frá heimilum, fyrirtækjum og iðnaði á starfssvæði Sorpstöðvar Rangárvallasýslu. Áhersla skal lögð á, að hægt verði að nýta varmaorkuna frá brennslunni.

Mikið er um að vera á Hvolsvelli þessa dagana og bærinn iðar af lífi. Mikið er um framkvæmdir bæði á vegum sveitarfélagsins og einkaaðila.

Að venju var 17. júní haldinn hátíðlegur í Rangárþingi eystra. Hátíðarhöld voru á Hvolsvelli sem 3. flokkur kvenna KFR sá um þetta árið ásamt tilvonandi 10. bekkingum Hvolsskóla sem sáu um glæsilegt morgunkaffi.

Sveitarfélagið Rangárþing eystra iðar af lífi þessa dagana en von er á fjölmennu liði leikara og starfsmanna á vegum kvikmyndafyrirtækisins TrueNorth. Alls munu um 400 manns, sem starfa við framleiðslu á stórmynd sem til stendur að frumsýna næsta sumar, en töluverð leynd liggur yfir því hvaða mynd er verið að taka upp. Fylgir þó sögunni að þarna sé á ferðinni kvikmynd í leikstjórn eins vinsælasta leikstjóra um þessar mundir.