Ungmennaráð

Laufey sagði frá starfi félagsmiðstöðvarinnar og svaraði spurningum nefndarmanna. Mikill fjöldi barna er í dagstarfi og mikil aukning í kvöldstarfinu. Búið er að mynda Tvistráð og mun það fara á Landsmót Samfés sem verður á Akureyri síðar á þessu ári. Eins er Laufey að skoða Erasmus styrki og möguleika á samstarfi við aðrar félagasmiðstöðvar varðandi það.
Nefndarmenn þökkuðu Laufey fyrir komuna.

Tveir eru að hætta í ungmennaráði því þau hafa verið í tvö ár. Inn koma fulltrúar frá Tvistinum og nemendaráði Hvolsskóla. Erindisbréfið verður skoðað með tilliti fjölda fulltrúa á næsta fundi.

Fyrir næsta þingi verður enginn eldri en 25 ára. Ungmennin sjá um spurningar og ritun.
Hafa þingið á laugardegi og hafa hópana tvískipta. Yngri og eldri.
Happadrætti.
Pizzur, nammi og gos.
Frekari umræða verður tekin með nýju ungmennaráði.

Ólafur Örn yfir samfellustarfið. Nýjar greinar eru judo og fimleikar. Starfi fer vel af stað og er íþróttahúsið nánast fullnýtt alla daga og kvöld vikunnar.

Nefndarmenn ungmennaráðs lýstu vonbrigðum sínum á því að hafa ekki verið með í ráðum þegar ákveðið var að loka Skjólinu kl. 16:00 en skólabílar fara kl. 17:00.

Ungmennaráð óskar eftir svörum frá Fjölskyldunefnd:
Á fundi 9. fundi fjölskyldunefndar Rangárþings eystra þann 17. maí 2023 var samþykkt að loka skólaskjólinu klukkutíma fyrr en verið hefur, þe. kl 16:00 í stað 17:00. Þetta þýðir að þau börn sem eru að klára æfingu kl. 16:00 og eiga að fara í skólabíl heim þurfa að bíða í klukktutíma eftir bílnum annarsstaðar en í Skjólinu. Félagsmiðstöðin Tvisturinn er aðeins fyrir börn og unglinga í 5. bekk og eldri. Því eiga börnin í 1. - 4. bekk engan stað til að vera á eftir að æfingum lýkur.
Sveitarfélagið er einnig hluti af Barnvænu samfélagi þar sem hagsmunir barna og ungmenna eiga að vera hafðir að leiðarljósi.
Þess vegna óskar ungmennaráð eftir svörum frá Fjölskyldunefndinni við eftirfarandi spurningum:
1) Hvers vegna var tillagan ekki kynnt ungmennaráði áður en Fjölskyldunefnd samþykkti hana?
2) Hvar eiga börnin sem klára æfingu kl. 16:00 en ætla að taka skólabíl kl. 17:00 að vera?
3) Hvernig komst nefndin að þessari niðurstöðu úr frá Barnvænu samfélagi? Hver eru rökin?
4) Á hvers ábyrgð eru börnin þegar þau bíða fyrir framan tónlistarskólann, í íþróttahúsinu eða jafnvel úti?
5) Hversu mörg börn þurfa að bíða eftir skólabíl eftir að þau klára æfingu kl. 16:00?
6) Var starfshópurinn í Barnvænu samfélagi upplýst um þessa og leitað eftir hennar áliti áður en hún var samþykkt?

1) Ungmennaráð skorar á nemendaráð að beita sér fyrir því unglingar sem eru í vali utan skóla fái að fara fyrr úr tímum til þess að ná skólabíl. Ef þau ná ekki skólabíl mega þau ekki vera í skólanum.

2) Ungmennaráð leggur til að það verði morgunmatur fyrir alla nemendur Hvolsskóla alla morgna. Nemendur í skólabílum koma mörg hver svöng og með tóman maga í skólann á morgnana. Góður morgunmatur er nauðsynlegur fyrir alla.