Stjórn Brunavarna Rangárvallasýslu bs.

Rekstrarniðurstaða byggðasamlagsins var jákvæð á árinu 2023 að fjárhæð 2,1 millj. kr. samkvæmt rekstrarreikningi.
Eigið fé í árslok var jákvætt um 59,7 millj. kr. samkvæmt efnahagsreikningi.
Ársreikningur samþykktur samhljóða.

Slökkviliðsstjóri fer yfir fyrirliggjandi kröfulýsingu vegna útboðs á dælubíl. Lýsingin hefur verið rýnd af Ríkiskaupum sem gera ekki athugasemd við lýsinguna.
Stjórn felur slökkviliðsstjóra að bjóða verkið út í samráði við Ríkiskaup.
Samþykkt samhljóða.

Slökkviliðsstjóri fer yfir stöðu mála og það sem gert hefur verið frá því að málið var síðast á dagskrá. Formanni stjórnar og slökkviliðsstjóra falið að fá lögmann til þess að vinna málið áfram fyrir hönd Brunavarna Rangárvallasýslu bs. í samráði við aðra eigendur hússins.
Samþykkt samhljóða.

Afgreiðslu málsins frestað. SLökkviliðssjtóra og formanni stjórnar falið að vinna drög að reglum um íþróttastyrki til starfsmanna og leggja fyrir næsta stjórnarfund.
Samþykkt samhljóða.

Slökkviliðsstjóri og sveitarstjóri Rangárþings ytra fóru yfir stöðu mála. Þjónustusamningur á milli Landsvirkjunnar og Brunavarna Rangárvallasýslu hefur verið undirritaður og er komin til framkvæmda. Fjárfestingarsamningur milli sömu aðila er í vinnslu.