Stjórn Brunavarna Rangárvallasýslu bs.

Margrét Jóna Ísólfsdóttir fer yfir rekstraryfirlit Brunavarna Rangárvallasýslu janúar til október 2023. Rekstur er í góðu jafnvægi og á áætlun.

Stjórn fer yfir drög að fjárhagsáætlun Brunavarna Rangárvallasýslu fyrir árið 2024. Endanleg tillaga að fjárhagsáætlun verður lögð fyrir næsta fund stjórnar í samræmi við umræður á fundinum.

Drög að nýrri gjaldskrá lögð fyrir stjórn. Stjórn samþykkir gjaldskrá með fyrirvara um staðfestingu aðildasveitarfélaga.

Umræður fóru fram um tækjabúnað slökkviliðs til að fást við eld í rafmagnsbílum. Gert verður ráð fyrir slíkum búnaði við kaup á nýjum slökkvibíl.

Slökkviliðsstjóri fer yfir kröfulýsingu vegna hugsanlegra kaupa og útboðs á nýjum slökkvibíl. Stjórn samþykkir kröfulýsingu og felur slökkviliðsstjóra að vinna málið áfram.

Slökkviliðsstjóri fer yfir ástand húseigna. Borið hefur á göllum á frágangi í nýrri byggingu slökkviliðs á Hellu. Slökkviliðsstjóra falið að vinna málið áfram.

Starfsmenn brunavarna hafa nú þegar gjaldfrjálsan aðgang að íþróttamannvirkjum sveitarfélaganna. Slökkviliðsstjóra falið að kanna með frekari útfærslur á aðgengi slökkviliðsmanna til heilsuræktar.

Lagt fram til kynningar.

Stjórn fer yfir drög að samstarfssamningi við Landsvirkjun. Sveitarstjóra Rangárþings ytra falið að boða fulltrúa Landsvirkjunar til fundar við stjórn Brunavarna Rangárvallasýslu, með það að markmiði að ganga formlega frá samkomulagi milli aðila.