Skipulags- og umhverfisnefnd

Framkvæmdarleyfisumsóknin var grenndarkynnt ábúendum á Hallgeirsey og Hallgeirseyjarhjáleigu frá 6. september sl. með athugasemdarfresti til og með 3. október sl. Í athugasemd frá eigendum Hallgeirseyjar kemur fram að óskað er eftir því að hin nýju mannvirki verði höfð í jarðlitum svo minna beri á þeim í umhverfinu. Ekki komu fram aðrar athugasemedir innan gefins frests. Skipulags- og umhverfisnefnd samþykkir að veita framkævmdarleyfi fyrir uppsetningu á níu kúlulaga gervihnattaloftnetum á lóðinni Hallgeirsey 2 lóð L215874.

Skipulags- og umhverfisnefnd felur skipulags- og byggingarfulltrúa að vinna að gerð lóðauppdráttar og leggja hann fyrir næsta fund.

Skipulags- og umhverfisnefnd felur skipulags- og byggingarfulltrúa að vinna að gerð lóðauppdráttar og leggja hann fyrir næsta fund.

Skipulags- og umhverfisnefnd þakkar þeim Sigurði og Sigurþóri kærlega fyrir erindið. Skipulags- og umhverfisnefnd samþykkir að fela embætti skipulags- og byggingarfulltrúa að vinna málið frekar í samvinnu við umsóknaraðila og fulltrúa frá heilsu- íþrótta- og æskulýðsnefnd.

Fyrir fundinum liggur endanleg tillaga að heildarendurskoðun aðalskipulags Rangárþings eystra 2020-2032. Búið er að bregðast við öllum athugasemdum og umsögnum sem komu á auglýsingatíma tillögunnar. Skipulags- og umhverfisnefnd leggur til við sveitarstjórn að frístundabygg með 8 lóðum í Syðstu-Mörk verði gerð skil í aðalskipulagi. Er þetta ein af elstu frístundabyggðunum í sveitarfélaginu og er hún nú þegar byggð að hluta. Um er að ræða ca 3,7 ha fleka, í nágrenni bæjartorfunnar í Syðstu-Mörk, sem fær skilgreininguna F-38 í greinargerð. Þessi breyting er gerð eftir að tillagan var auglýst.
Skipulags- og umhverfisnefnd samþykkir tillögu að aðalskipulagi Rangárþings eystra 2020-2032 og leggur til við sveitarstjórn að hún verði send Skipulagsstofnun til yfirferðar í samræmi við 32. gr. skipulagslaga nr. 123/2010.

Lýsing aðalskipulagsbreytingar var auglýst frá 19. apríl 2021 með athugasemdafresti til 3. maí 2021. Athugasemdir við lýsingu tillögunnar komu fram á auglýsingatíma. Skipulags- og umhverfisnefnd leggur til við sveitarstjórn að fallið verði frá fyrirhugaðri aðalskipulagsbreytingu um að heimila svæði til efnistöku innan frístundabyggðarinnar.

Á 107. fundi skipulagsnefndar var afgreiðslu málsins frestað vegna athugasemdar frá Heilbrigðiseftirliti suðurlands varðandi hreinsivirki. Búið er að bregðast við fyrrgreindri athugasemd og gerir Heilbrigðiseftirlit suðurlands ekki frekari athugasemdir við tillöguna. Skipulags- og umhverfisnefnd samþykkir tillöguna og að hún verði send Skipulagsstofnun til yfirferðar skv. 42. gr. skipulagslaga nr. 12372010.

Ekki liggur fyrir skýr vilji allra lóðareigenda innan frístundabyggðarinnar um breytingar á landnotkun. Að auki vantar frekari rökstuðning að baki fyrirhugaðri breytingu. Skipulags- og umhverfisnefnd leggur til við sveitarstjórn að hafna beri ósk um breytingu á landnotkun úr frístundabyggð í íbúðarbyggð.

Skipulags- og umhverfisnefnd gerir ekki athugasemd við landskiptin og staðfangið á hinni nýju spildu.

Skipulags- og umhverfisnefnd samþykkir tillöguna og að hún verði auglýst í samræmi við 41. gr. skipulagslaga nr. 123/2010.

Skipulags- og umhverfisnefnd felur skipulags- og byggingarfulltrúa að gera drög að umsögn sveitarfélagsins varðandi nýtingu vindorku og leggja fyrir næsta fund skipulags- og umhverfisnefndar.