2. fundur
08. ágúst 2022 kl. 15:00 - 17:30 á skrifstofu Rangárþings eystra
Nefndarmenn
Anna Runólfsdóttir
Baldur Ólafsson
Bjarki Oddsson
Elvar Eyvindsson
Guðmundur Ólafsson
Guri Hilstad Ólason
Rafn Bergsson
Starfsmenn
Guðmundur Úlfar Gíslasonembættismaður
Anton Kári Halldórssonsveitarstjóri
Þóra Björg Ragnarsdóttirembættismaður
Fundargerð ritaði:Guðmundur Úlfar GíslasonSkipulags- og byggingafulltrúi
Dagskrá
1.Umhverfisverðlaun Rangárþings eystra 2022
2207035
Afgreiðslu málsins frestað.
2.ASK Rangárþings eystra; Heildarendurskoðun
1903077
Tillaga að skrá um vegi aðra en þjóðvegi í Rangárþingi eystra
Skipulags- og umhverfisnefnd felur skipulags- og byggingarfulltrúa að vinna málið áfram á grunni athugasemda og umræðu á fundinum. Uppfærð vegaskrá verður lögð fram fyrir næsta fund nefndarinnar.
3.Deiliskipulag - Hólmaflöt
2202028
Davíð Viðarsson óskar eftir því að deiliskipuleggja lóðina Hólmaflöt L228971. Á byggingarreit B1 er gert ráð fyrir íbúðarhúsi, allt að 140 m2 og á byggingarreit B2 er gert ráð fyrir tveimur 30 m2 gestahúsum.
Tillagan var auglýst frá 6. apríl 2022 til 18. maí 2022. Í umsögn Heilbrigðiseftirlits suðurlands er gerð athugasemd við öflun neysluvatns úr einkavatnsbóli. Gerð hefur verið breyting á greinargerð skipulagsins þar sem gert er ráð fyrir mögulegri tengingu við neysluvatnslögn HS veitna. Ekki bárust aðrar athugasemdir á auglýsingartíma tillögunnar. Skipulags- og umhverfisnefnd leggur til við sveitarstjórn að tillagan verði samþykkt og send Skipulagsstofnun til yfirferðar skv. 43. gr. skipulagslaga nr. 123/2010.
4.Deiliskipulag - Syðsta Mörk
2205082
Björgvin Guðjónsson óskar eftir heimild til þess að deiliskipuleggja allt að 30 ha landspildu úr jörðinni Syðsta Mörk L163803 skv. meðfylgjandi gögnum. Um er að ræða 15 stk. 1-2 ha lóðir undir íbúðarhús ásamt aukahúsum.
Að mati skipulags- og umhverfisnefndar eru fyrirhuguð skipulagsáform ekki hamlandi fyrir sveitarfélagið. Fyrir liggur að innviðir eru til staðar s.s. veitulagnir og stofnvegir. Áformin muni frekar styrkja núverandi byggð á svæðinu. Skipulags- og umhverfisnefnd leggur til við sveitarstjórn að deiliskipulagsgerð verði heimiluð.
5.Samþykkt um fiðurfé í Rangárþingi eystra utan skipulagðra landbúnaðarsvæða
2206069
Til kynningar eru drög að samþykkt um fiðurfénað í Rangárþingi eystra.
Skipulags- og umhverfisnefnd samþykkir drög að samþykkt um fiðurfé í Rangárþingi eystra utan skipulagðra landbúnaðarsvæða, með þeim breytingum sem ræddar voru á fundinum.
6.Óleyfisframkvæmd - Kvoslækjará
2206147
Ábending hefur borist um hugsanlega óleyfisframkvæmd við Kvoslækjará norðan Fljótshlíðarvegar.
Farið er yfir stöðu málsins. Skipulags- og byggingarfulltrúa falið að vinna frekar að málinu.
7.Landskipti - Miðskáli 6
2207022
Guðmundur Jón Viðarsson óskar eftir því að skipta ca 3,7 ha landspildu út úr Miðskála 6 L192334 skv. meðfylgjandi uppdrætti unnum af Landnot ehf, dags. 5.7.2022. Hin nýja spilda fær staðfangið Skálabrekka.
Skipulags- og umhverfisnefnd gerir ekki athugasemd við landskiptin og staðfangið á hinni nýju spildu.
8.Landskipti - Heylækur 2
2207027
Halla Kjartansdóttir óskar fh. landeigenda eftir því að stofna fjórar nýjar spildur út úr Heylæk 2 L226988 skv. meðfylgjandi uppdrætti. Um er að ræða spildurnar Heylæk 5 ca 0,97 ha, Heylæk 6 ca 0,32 ha, Heylæk 7 ca 3,75 ha og Heylæk 8 ca 3,3 ha að stærð.
Skipulags- og umhverfisnefnd gerir ekki athugasemd við landskiptin og staðföngin á hinum nýju spildum.
9.Landskipti - Stóri-Dalur
2207179
Ragnar Lárusson óskar eftir því að stofna ca 53,3 ha spildu út úr Stóra-Dal L163811 skv. meðfylgjandi uppdrætti unnum af Verkfræðistofunni EFLA, dags. 8.7.2022. Hin nýja spilda fær staðfangið Dílaflöt.
Skipulags- og umhverfisnefnd gerir ekki athugasemd við landskiptin og staðfangið á hinni nýju spildu.
10.Deiliskipulag - Grímsstaðir
2207180
Um er að ræða deiliskipulag á ca 1,0 ha spildu úr landi Ytri-Hóls L163950. Gert er ráð fyrir veiðihúsi allt að 100 m2 að stærð með mænishæð allt að 8,0 m, 2-3 svefnhús samanlagt allt að 160 m2 að stærð með mænishæð allt að 5,0 m og aðstöðuhúsi, allt að 80 m2 að stærð með mænishæð allt að 5,0 m.
Skipulags- og umhverfisnefnd samþykkir framkomna tillögu og leggur til við sveitarstjórn að hún verði auglýst í samræmi við 41. gr. skipulagslaga nr. 123/2010.