Byggðarráð

Lögð fram til fyrri umræðu tillaga að fjárhagsáætlun Rangárþings eystra 2023-2026. Margrét Jóna Ísólfsdóttir, skrifstofu- og fjármálastjóri fer yfir fjárhagsáætlun 2023-2026.

Fyrir liggur tillaga að auglýsingu um útboð á rekstri tjaldsvæðisins á Hvolsvelli. Núgildandi samningur við leigutaka rennur út 31. desember.

Festi hf. óskar eftir að fyrirtækinu verði veitt vilyrði fyrir úthlutun lóðanna Höfðavegur 1-6 undir aðstöðu fyrir verslun- og þjónustu.

Sveitarstjórn hefur falið byggðarráði að úthluta Bjargi íbúðafélagi hses. kt. 490916-0670 lóðinni Hallgerðartún 49.

Ein umsókn barst í lóðina Ormsvöllur 9. Guðfinnur Guðmannsson óskar eftir því að fá úthlutað lóðinni Ormsvölli 9 skv. meðfylgjandi umsókn.

Starf hjúkrunarforstjóra Kirkjkuhvols var auglýst laust til umsóknar í október síðastliðnum. Umsóknarfrestur var til og með 31. október sl. Alls bárust tvær umsóknir um starfið. Umsækjendur voru Sjöfn Dagmar Guðjónsdóttir hjúkrunarfræðingur og Þóra Baldursdóttir skurðhjúkrunarfræðingur. Fulltrúar Rangárþings eystra nutu ráðgjafar Intellecta við úrvinnslu umsókna, sem og í ferlinu öllu. Anton Kári Halldórsson, sveitarstjóri og Árný Hrund Svavarsdóttir, formaður byggðarráðs, ásamt Helgu Birnu Jónsdóttur ráðgjafa Intellecta, hér eftir valnefnd, fóru yfir umsóknir og innsend gögn. Að úrvinnslu lokinni voru báðir umsækjendur boðaðir í viðtal. Var það mat valnefndar að þeir tveir umsækjendur sem komu í viðtal uppfylltu kröfur auglýsingar um menntun og réttindi. Viðstödd viðtölin voru meðlimir valnefndar og fóru þau fram hjá Intellecta, að Síðumúla 5, föstudaginn 4. nóvember 2022.

Lagt fram til umræðu og kynningar drög að reglugerð um íbúakosningar sveitarfélaga og áform um lagabreytingar um Jöfnunarsjóð sveitarfélaga hafa verið birt til umsagnar í samráðsgátt stjórnvalda.

Lögð fram til kynningar aukafundarseta sveitarstjórnarmanna 2022.