Fræðslunefnd grunnskóla og leikskóla

Valborg Jónsdóttir, leikskólastjóri, fer yfir tillögu leikskólans um styttingu á opnunartíma leikskólans Arkar til hagræðingar. Tillagan er um að loka leikskólanum kl. 16:15 í stað 16:30 enda eru þessar 15 mínútur lítið nýttar. Fræðslunefnd samþykkir tillöguna fyrir sitt leyti til vorsins 2022 en verði endurskoðað fyrr verði verulegar breytingar á eftirspurn eftir vistunartímanum.
Samþykkt samhljóða.

Fræðslunefnd þakkar leikskólastjóra fyrir góða kynningu og vel unna starfsáætlun Leiksólans Arkar árið 2020-2021 og staðfestir áætlunina.
Samþykkt samhljóða.

Fræðslunefnd þakkar leikskólastjóra fyrir góða yfirferð ársskýrslu Leikskólans Arkar. Einnig vill Fræðslunefnd þakkar öllu starfsfólki Leikskólans Arkar fyrir þrautseigju og sveiganleika í starfi í þeim aðstæðum sem sköpuðust vegna heimsfaraldurs Covid-19 á starfsárinu.
Ársskýrsla 2019-2020 staðfest.
Samþykkt samhljóða.

Fræðslunefnd þakkar fyrir góða yfirferð á skólanámskrá og starfsáætlun Hvolsskóla veturinn 2020-2021 og staðfestir hana. Fræðslunefnd þakkar öllu starfsfólki Hvolsskóla fyrir þrautseigju og sveiganleika í starfi í þeim aðstæðum sem sköpuðust vegna heimsfaraldurs Covid-19 á starfsárinu.
Samþykkt samhljóða.

Umræða um tillögur að tilnefningum til Menntaverðlauna Suðurlands. Formanni og ritara falið að vinna áfram að málinu í samstarfi með skólastjórnendum.
Samþykkt samhljóða.

Fræðslunefnd leggur til að gildistími núverandi Skólastefnu verði framlengdur út árið 2021 þar sem ekki hefur tekist að hefja vinnu við endurskoðun vegna Covid-19 heimsfaraldurs.
Samþykkt samhljóða.

Lagt fram til kynningar.

Lagt fram til kynningar.