Fjölskyldunefnd

Fjölskyldunefnd þakkar Gyðu Björgvinsdóttur kærlega fyrir kynninguna.

Fjölskyldunefnd samþykkir að gengið verði til samninga um prufuáskrift hjá Getu til áramóta. Ákvörðun um framhaldið verður svo tekin þegar reynsla verður komin á samstarfið fyrir árslok.

Samþykkt samhljóða.

Fjölskyldunefnd samþykkir ósk um breytingu á opnunartíma Skólaskjóls. Skjólið verði því lokað kl. 16:15 mánudaga - fimmtudaga og áfram klukkan 16:00 á föstudögum.
Fjölskyldunefnd leggur áherslu á að þessi breyting muni samt sem áður ekki skerða möguleika barna á að nýta sér það samfellustarf sem í boði er hverju sinni.
Samþykkt samhljóða.

Fjölskyldunefnd samþykkir ósk um að Skólaskjólið opni fyrr í ágúst fyrir nemendur í 1. - 4. bekk.

Samþykkt samhljóða.

Skoðanakönnun var gerð eins og ár hvert og 52,5% foreldra og 74,7% starfsmanna, af þeim sem þátt tóku í könnuninni, voru hlynnt því að vera með 170 daga skóladagatal veturinn 2023-2024. 99 foreldrar og 43 starfsmenn tóku þátt í könnuninni.

Fjölskyldunefnd samþykkir með fimm greiddum atkvæðum ÁB, AFV, HGK, RB og LBL á móti 2 atkvæðum HÓ og ÁLS framlagt 170 daga skóladagatal veturinn 2023-2024

Bókun Heiðbrár Ólafsdóttur, fulltrúa N-lista.
Í sívaxandi fjölskyldusamfélagi er mikilvægt að sveitarfélagið leggi metnað í að mæta þörfum fjölskyldunnar með tilliti til betri áherslu á menntun barna og foreldra á vinnumarkaði. Stytting skólaársins ýtir undir svokallaða sumargleymsku þar sem löng frí eru talin hafa slæm áhrif á námsárangur barna. Samkvæmt upplýsingum Hagstofunnar er Hvolsskóli eini grunnskólinn á landsvísu með 170 daga skólaár. Í ljósi þess að þær krefjandi aðstæður til hagræðingar í sveitarfélaginu sem voru forsendur þess að tekin var sú ákvörðun að stytta skólaárið 2011/2012 eru ekki lengur til staðar hvet ég sveitarstjórn eindregið til þess að gefa menntun ekki neinn afslátt heldur þess í stað gera henni hærra undir höfði með hagsmuni barnanna að leiðarljósi.

Fjölskyldunefnd samþykkir samhljóða fyrir sitt leyti leikskóladagatali 2023-2024.

Fjölskyldunefnd felur formanni Fjölskyldunefndar að bjóða Hugrúnu Sigurðardóttur, verkefnastjóri Fjölmenningar hjá Kötlusetri, á fund nefndarinnar til að ræða um málefni fjölmenningar.

Samþykkt samhljóða.

Fjölskyldunefnd vísar tillögunni til sveitarstjórnar.

Samþykkt samhljóða.

Fjölskyldunefnd þakkar fyrir gott innlegg á verkefni Önnu Kristínar Guðjónsdóttur og hvetur til að niðurstöður verkefnisins verði nýttar við innleiðingu Menntastefnu Rangárþings eystra.