225. fundur
19. janúar 2023 kl. 08:15 - 09:27 á skrifstofu sveitarfélagsins
Nefndarmenn
Árný Hrund Svavarsdóttirformaður
Tómas Birgir Magnússonaðalmaður
Rafn Bergssonaðalmaður
Starfsmenn
Anton Kári Halldórssonsveitarstjóri
Fundargerð ritaði:Margrét Jóna ÍsólfsdóttirSkrifstofu- og fjármálastjóri
Dagskrá
Formaður byggðarráðs setur fund og óskar eftir athugasemdum við fundarboð ef einhverjar eru.
1.Útboð - Tjaldsvæði Hvolsvallar
2204045
Á 221. fundi byggðarráðs var sveitarstjóra falið að ljúka við drög að auglýsignu og útboðsgögnum fyrir rekstur tjaldsvæðisins á Hvolsvelli. Lagt fram til umræðu auglýsing um útboð reksturs tjaldsvæðisins á Hvolsvelli.
Byggðarráð samþykkir að auglýsa rekstur tjaldsvæðisins á Hvolsvelli laust til umsóknar. Samþykkt með þremur samhljóða atkvæðum.
2.Lóðarúthlutanir; Miðbær Hvolsvallar
2301053
Gatnagerð í miðbæ Hvolsvallar stendur nú yfir og brátt verða lóðir lausar til úthlutunar.Lögð fram til umræðu tillaga að ásýnd uppbyggingar í miðbæ Hvolsvallar.
Sveitarstjóra falið að vinna að auglýsingu fyrir lausar lóðir í miðbæ Hvolsvallar og leggja drög að auglýsingu fyrir byggðarráð. Byggðarráð leggur til að lóðirnar verði auglýstar sem ein heild. Samþykkt með þremur samhljóða atkvæðum.
3.Byggðaþróunarfulltrúi í Rangárvallasýslu; Minnsiblað fundar 09.01.23
2301039
Lagt fram minnisblað af fundi sveitarfélaga í Rangárvallasýslu um byggðarþróunarfulltrúa.
Byggðarráð tekur undir þau sjónarmið sem fram koma í hjálögðu minnisblaði. Byggðarráð tilnefnir Anton Kára Halldórsson og Tómas B Magnússon sem fulltrúa Rangárþings eystra í vinnuhóp til þess að vinna áfram að málinu. Samþykkt með þremur samhljóða atkvæðum.
Byggðarráð telur forsendur fyrir áframhaldandi starfsemi Kötlu jarðvangs brostnar í ljósi þess að fyrirséð er að einu tekjur hans verði aukin framlög aðildarsveitarfélaga. Byggðarráð telur að ef ekki komi til aðrar tekjur á yfirstandandi ári sé því óhjákvæmilegt að huga að slitum jarðvangsins. Sveitarstjóra og oddvita er falið að funda með fulltrúum aðildarsveitarfélaganna til að ræða framhaldið. Mikilvægt er að hugað verði að því með hvaða móti megi varðveita það starf sem unnið hefur verið og kortlagt hvernig viðhalda megi ákveðnum verkefnum sem nú þegar eru yfirstandandi. Samþykkt samhljóða með þremur atkvæðum.
5.Bergrisinn; ósk um tilnefningu fulltrúa á aukaaðalfund þann 20. febrúar nk.
2301046
Aukaaðalfundur Bergrisans verður haldinn 20. febrúar 2023 á Selfossi. Bergrisinn óskar eftir tilnefningum Rangárþing eystra á fundinn en sveitarfélagið á fjóra kjörmenn á fundinum.
Byggðarráð tilnefnir Sigríði Karólínu Viðarsdóttur, Rafn Bergsson, Guri Hilstad Ólason og Tómas Birgir Magnússon sem fulltrúa á aukaaðalfund Bergrisans þann 20. febrúar nk. Til vara tilnefnir sveitarstjórn Árný Hrund Svavarsdóttir, Christiane L. Bahner, Bjarka Oddson og Anton Kára Halldórsson. Samþykkt með þremur samhljóða atkvæðum.
6.Stórólfsvöllur; Leigusamningur
1812038
Lagt fram erindi Óskars Eyjólfssonar f.h. Toppgras ehf. þar sem óskað er eftir að framlengja leigusamningi Toppgras við sveitarfélagið.
Sveitarstjóra falið að vinna að framlengingu samnings og leggja drög fyrir byggðarráð. Samþykkt með þremur samhljóða atkvæðum.
7.Umsögn um tækifærisleyfi - Þorrablót Goðalandi
2301050
Sýslumaðurinn á Suðurlandi óskar eftir umsögn sveitarfélagsins vegna umsóknar Búnaðarfélags Fljótshlíðinga um tækifærisleyfi fyrir þorrablóti þann 4. febrúar 2023 í félagsheimilinu Goðalandi.
Sveitarstjóra falið að veita umsögn þegar umsagnaraðilar á vegum sveitarfélagsins hafa veitt sína umsögn. Samþykkt með þremur samhljóða atkvæðum.
8.Umsögn um tækifærisleyfi - Þorrablót Heimalandi
2301052
Sýslumaðurinn á Suðurlandi óskar eftir umsögn sveitarfélagsins vegna umsóknar Búnaðarfélags Vestur-Eyfellinga um tækifærisleyfi fyrir þorrablóti þann 18. febrúar 2023 í félagsheimilinu Heimalandi.
Sveitarstjóra falið að veita umsögn þegar umsagnaraðilar á vegum sveitarfélagsins hafa veitt sína umsögn. Samþykkt með þremur samhljóða atkvæðum.
9.Umsögn um rekstrarleyfi - Brú lóð
2301051
Sýslumaður Suðurlands óskar eftir umsögn vegna umsóknar um rekstrarleyfi í flokki II-A veitingarhús fyrir Southcoast Adventure ehf að Brú.
Sveitarstjóra falið að veita umsögn þegar umsagnaraðilar á vegum sveitarfélagsins hafa veitt sína umsögn. Samþykkt með þremur sammhjóða atkvæðum.
10.Fundargerð félagafundar SOS 04.01.2023
2301038
Lögð fram til til umræðu og kynningar fundargerð félagsfundar SOS, 4. janúar 2023.