Framhaldstilraunaverkefni Jarðgerðar á Strönd!

Á næstu vikum hefjast á ný íbúaprófanir Jarðgerðar á Strönd, samstarfsverkefni Sorpstöðvar Rangárvallasýslu og Meltu (áður Jarðgerðarfélagið). Markmið verkefnisins er að búa til notendavænt flokkunarferli fyrir íbúa með því leiðarljósi að hægt sé að meðhöndla og nýta þá auðlind sem lífrænn heimilisúrgangur er innan sýslunnar. Íbúaprófanirnar eru framhald á vel heppnaðri tilraun sem fór fram í fyrra og var með svipuðu sniði.

Tilgangur með prófunum sem þessum er er fyrst og fremst að læra hver upplifun íbúa er af nýju flokkunar- og söfnunkerfi á lífrænu hráefni. Endurgjöf og ábendingar frá þátttakendum verða nýttar til að móta notendavæna hringrásarþjónustu í Rangárvallasýslu. Tilraunin stendur í um 12 vikur og er öllum íbúum í Rangárvallasýslu boðið að taka þátt.

Smelltu hér til að lesa meira um verkefnið að skrá þig til þátttöku! (búið er að breyta skráningu þannig að íbúar í 860 og 861 geta skráð sig)

Ef einhverjar spurningar vakna up verkefnið er hægt að senda línu á ibuar@melta.is