Fréttir

Einstakt tækifæri til að bæta við sig þekkingu á Suðurlandi. 📍Námið er 18 ECTS einingar á háskólastigi og eykur skilning á því hvernig hlutverk nýsköpunar og frumkvöðlastarfs á þátt í því að móta samfélagið okkar. Nemendur öðlast þá færni sem þarf til að gerast þátttakandi í þessum umbreytingum og læra aðferðir sem eru hagnýtar þegar haldið er að stað við að setja á fót rekstrareiningu á Íslandi. Námið er kennt á ensku.

Hátíðin er þekkt fyrir að vera samkoma fólks sem vill efla sjálfbærni og deila þekkingu um nýtingu náttúrunnar. Í ár býðst gestum upp á 42 vinnustofur þar sem sérfræðingar á ýmsum sviðum deila reynslu sinni og hæfileikum. Dagskráin er fjölbreytt og krefjandi verkefni verður að velja þá vinnustofu sem heillar mest, enda verða oft 3–4 vinnustofur í gangi í einu.

Verslunarmannahelgin er ein stærsta ferðahelgi ársins og í Rangárþingi eystra verður nóg um að vera fyrir íbúa og gesti. Fljótshlíðin iðar sérstaklega af lífi um helgina en þar fara fram tvær stórskemmtilegar og ólíkar fjölskylduhátíðir: hið rótgróna Kotmót í Kirkjulækjarkoti og hin árlega Flughátíð í Múlakoti.

Móttökustöðin á Strönd verður lokuð laugardaginn 2. ágúst, um verslunarmannahelgina. Stöðin verður því lokuð 2., 3. og 4. ágúst og opnar aftur þriðjudaginn 5. ágúst.

Sundnámskeið verður fyrir börn fædd árið 2019 og 2020. Skipt verður í tvo hópa eftir fæðingarári, hópur 1 börn fædd 2020 og hópur 2 börn fædd 2019.