VARASLÖKKVILIÐSSTJÓRI - Rangárvallasýsla - Fullt starf Umsóknarfrestur: 09.08.2026

Brunavarnir Rangárvallasýslu bs. óska eftir að ráða varaslökkviliðsstjóra.

Starfið er laust frá og með 1. september 2026.

Starfsemi Brunavarna Rangárvallasýslu bs. heyrir undir sveitarfélögin í Rangárvallasýslu, Ásahrepp, Rangárþing ytra og Rangárþing eystra.

Helstu verkefni og ábyrgð

• Varaslökkviliðsstjóri er staðgengill slökkviliðsstjóra og ber ábyrgð á faglegri starfsemi Brunavarna Rangárvallasýslu í samvinnu við slökkviliðsstjóra.
• Umsjón með þjálfun slökkviliðsins ásamt slökkviliðsstjóra.
• Daglegt eldvarnareftirlit, úttektir og yfirferð uppdrátta í samvinnu við slökkviliðsstjóra.
• Viðhald bíla og búnaðar slökkviliðsins.
• Telst til vakthafandi liðsheildar og sinnir útköllum þegar þörf er á.
• Ýmis verkefni s.s. ráðgjöf og fræðslu.
• Starfar í samræmi við lög, reglugerðir, starfslýsingu og samþykktir Byggðarsamlagsins.

Menntunar- og hæfniskröfur

• Umsækjendi skal uppfylla skilyrði reglugerðar nr. 792/2001 um menntun, réttindi og skyldur slökkviliðsmanna og laga nr. 75/2000 um brunamál.
• Vera með löggildingu sem slökkviliðsmaður.
• Hafa lokið námi I og II í eldvarnareftirliti fyrir eldvarnareftirlitsmenn frá HMS.
• Hafa aukin ökuréttindi (C) til að stjórna vörubifreið.
• Hafa lokið stjórnenda- og þjálfunarstjóranámi frá HMS.
• Menntun í vélvirkjun eða sambærileg menntun er kostur.
• Hafa starfað að lágmarki í eitt ár í slökkviliði sem löggiltur slökkviliðsmaður.
• Hafa starfsréttindi sem reykkafari er kostur.
• Umsækjendi skal hafa góða líkamsburði, vera andlega og líkamlega heilbrigður, reglusamur og háttvís, hafa góða sjón og heyrn og ekki vera haldinn lofthræðslu eða innilokunarkennd.
• Hafa góða leiðtoga- og stjórnunarhæfni ásamt færni í mannlegum samskiptum og góðan samstarfsvilja.
• Sjálfstæði í störfum, auk góðrar skipulagshæfni, sveigjanleika, víðsýni og vilja til að tileinka sér nýjungar.
• Umsækandi þarf að geta starfað undir álagi og vera tilbúinn að gangast undir ítarlega læknisskoðun og þrekpróf.
• Hafa góða almenna tölvukunnáttu.
• Góð íslensku- og enskukunnátta er æskileg.
• Hreint sakavottorð í samræmi við lög.

Laun og önnur starfskjör eru samkvæmt kjarasamningi Sambands íslenskra sveitarfélaga við Landssamband slökkviliðs- og sjúkraflutningamanna.

Umsóknarfrestur er til og með 9. ágúst 2026.

Sótt er um starfið á www.mognum.is

Nánari upplýsingar veita Sigríður Ólafsdóttir ; sigga@mognum.is og Telma Eiðsdóttir; telma@mognum.is

Umsókn þarf að fylgja prófskírteini, leyfisbréf, sakavottorð og ljósrit af ökuskírteini og ökuferilskrá. Jafnframt þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Allir áhugasamir einstaklingar eru hvattir til að sækja um.