Slæm veðurspá fyrir næsta sólahring

Við viljum vekja athygli á að veðurspáin fyrir næsta sólahring er nokkuð slæm, appelsínugul viðvörun frá um kl. 7 í fyrramálið fram á miðjan dag vestan til sem gengur síðan austur yfir land að einhverju leiti.

Nokkuð ljóst er að færð mun spillast að einhverju leiti og einnig er varað við hættu á foktjóni.

https://vedur.is/vidvaranir

Gul

Suðaustan hvassviðri og hríð (Gult ástand)

26 mar. kl. 05:00 – 07:00

Suðaustan 15-23 m/s og vindhviður staðbundið yfir 33 m/s. Búast má við talsverðri snjókomu með skafrenningi og slæmu skyggni og versnandi færð. Afmarkaðar samgöngutruflanir og lokanir á vegum eru líklegar, einkum undir Eyjafjöllum eða á Hellisheiði. Fólki er bent á að sýna varkárni og fylgjast með veðurspám.

Appelsínugul

Suðaustan rok og stórhríð (Appelsínugult ástand)

26 mar. kl. 07:00 – 13:00

Suðaustan 20-28 m/s og vindhviður staðbundið yfir 40 m/s. Einnig má búast við talsverðri snjókomu eða slyddu með slæmu skyggni og versnandi færð. Ekkert ferðaveður. Einnig er hætta á foktjóni og er fólk hvatt til að tryggja lausamuni.

Vegagerðin hefur einnig gefið út að vegir muni lokast vegna þessa svo sem Hellisheiðin og Þrengslin frá kl. 04.00 í nótt.

https://www.vegagerdin.is/vegagerdin/starfsemi/frettir/lokanir-a-fjolmorgum-vegum-og-ovissa-med-reykjanesbraut

Við viljum biðja íbúa um að gæta sérstaklega að sér og fylgjast vel með veðurspá.