Páskaeggjaleit ungmennaráðs á laugardaginn

Ungmennaráð Rangárþings eystra stendur fyrir páskaeggjaleit næstkomandi laugardag, þann 4. apríl. Leikurinn hefst klukkan 10:00 og eru allir áhugasamir hvattir til að taka þátt.

Páskaeggin verða falin víðs vegar um Hvolsvöll en til að hjálpa leitendum munu vísbendingar birtast jafnt og þétt á Instagram-síðu ungmennaráðsins.

Þetta er skemmtileg leið til að eiga ánægjulega stund saman og njóta páskanna í sveitarfélaginu okkar.