Oddastefna að vori helguð Sæmundi fróða

Oddastefna að vori helguð Sæmundi fróða

Laugardaginn 30. maí næstkomandi klukkan 13:00 fer fram Oddastefna í Frægarði, Gunnarsholti. Að þessu sinni er stefnan helguð Sæmundi fróða Sigfússyni (1056 - 1133) og mun dagskráin einkennast af fjölbreyttum fræðierindum og menningaratriðum. Viðburðurinn er öllum opinn og kynnir dagsins er Friðrik Erlingsson.

Niðurstöður Oddarannsóknarinnar

Á stefnunni verður farið yfir helstu niðurstöður Oddarannsóknarinnar, en um er að ræða fimm ára rannsóknarverkefni í bókmennta-, sagn- og fornleifafræði. Verkefnið var styrkt af RÍM sjóðnum (Ritmenning íslenskra miðalda) sem ríkisstjórn Íslands stofnaði í tilefni af 75 ára afmæli lýðveldisins. Þau Helgi Þorláksson, sagnfræðingur, og Kristborg Þórsdóttir, fornleifafræðingur, munu fara yfir lok rannsóknarinnar og kynna nýjar bækur sem henni tengjast. Einnig munu Björn Bjarnason, fyrrverandi ráðherra, og Ólína Kjerúlf Þorvarðardóttir, rektor, flytja erindi um Sæmund fróða út frá sagnfræðilegum og þjóðfræðilegum sjónarhornum.

Tónlist og leikur úr nýrri óperu

Til að brjóta upp fræðilega dagskrá munu gestir fá að njóta tónlistar. Sviðshópurinn Amarato kemur fram með tvö atriði úr óperunni um Sæmund fróða eftir Þórunni Guðmundsdóttur, sem er bæði tónskáld og textahöfundur verksins. Óperan hefur fengið góðar viðtökur og mikið lof hjá áhorfendum. Þau Hafsteinn Þórólfsson, baritón, og Björk Níelsdóttir, sópran, munu sjá um sönginn við undirleik Sólveigar Sigurðardóttur á píanó, auk þess sem Þórunn sjálf mun ræða um gerð verksins.

Samverustund í Gunnarsholti

Stefnan fer fram í húsi Lands og skógar í Gunnarsholti, en í hléi munu Land og skógur einmitt bjóða gestum upp á kaffi og meðlæti. Undir lok dagskrár mun Friðrik Erlingsson kynna væntanlega Oddasýningu, áður en Ágúst Sigurðsson, formaður Oddafélagsins, slítur stefnunni klukkan 16:00.

Frekari upplýsingar má nálgast á vefsíðu Oddafélagsins og á Facebook viðburði

Yfirlit yfir dagskrá Oddastefnu: