Núna er besti tíminn til að klippa trjágróður

Febrúar og mars er hentugasti tíminn fyrir stærri snyrtingar og klippingar á limgerðum og trjám. Með klippingum á þessum tíma næst betri endurnýjun og minni hætta á skemmdum á gróðri.

• Gróður skal haldast innan lóðarmarka og ekki skaga út yfir stéttar, akbrautir eða opin svæði.
• Tryggja þarf lágmarkshæð undir greinum yfir leiðir gangandi og akandi: 2,8 m yfir gangstétt og 4,2 m yfir akbraut.
• Sveitarfélagið getur krafist úrbóta og, að undangengnum tilkynningum, látið klippa á kostnað eiganda ef þörf krefur.

Hvað á ég að gera sem lóðareigandi?

• Skoðið lóðarmörkin: Eru greinar eða limgerði að skaga út? Klippið þær inn að mörkum.
• Tryggið hæðir: Haldið minnst 2,8 m yfir gangstétt og 4,2 m yfir akbraut þar sem það á við.
• Tryggið að trjágróður skyggi ekki á við gatnamót, yfir gangbrautum og við umferðarmerki og götulýsingu.
• Stærri snyrtingar: Pantið verktaka ef þörf er – núna er kjörinn tími.

Halda skal gróðri innan lóðamarka samkvæmt byggingarreglugerð nr. 112/2012, gr. 7.2.2 og er það skilda lóðareigenda að fara eftir reglum þessum.

Hagnýtur gátlisti

☑ Gróður er innan lóðarmarka.

☑ Hæð undir greinum yfir stétt ≥ 2,8 m.

☑ Hæð undir greinum yfir akbraut ≥ 4,2 m.

☑ Sýnileiki að gatnamótum og umferðarmerkjum er tryggður.

☑ Úrklippt efni fjarlægt af göngustígum og vegum.