Leikskólinn Aldan auglýsir eftir kennurum frá ágúst 2026

Leikskólinn Aldan er 8 deilda leikskóli á Hvolsvelli. Þar starfa um 115 börn og 40 starfsmenn. Gildi Öldunnar eru samskipti virðing og samvinna.

 

Uppeldisstefna Öldunnar byggir á hugmyndafræði hugsmíðahyggju. Hugmyndafræðin felur í sér að börnin séu leitandi og gagnrýnin, tileinki sér þekkingu og skilning með ígrundun, lausnaleit, rökhugsun og að þau læri að nýta sér það í leik og starfi. Einnig er samþætt inní starfið agastefnan jákvæður agi og unnið er með flæði með það að markmiði að börnin geti tekið ígrundaðar ákvarðanir byggðar á þekkingu þeirra og gildismati. Einnig að börn geti unnið eftir sínu áhugasviði í daglegu starfi leikskólans.

 

 

100% staða deildarstjóra frá 12. ágúst 2026

Starfsvið : Vinnur að uppeldi og menntun leikskólabarna samkvæmt lögum um leikskóla, aðalnámskrá leikskóla, stefnu og skipulagi leikskólans.

Ber ábyrgð á að unnið sé eftir skólanámskrá og starfsáætlun leikskólans á deildinni.

Annast daglega verkstjórn á deild, skipulagningu, framkvæmd og mati deildarstarfs.

Ber ábyrgð á upplýsingagjöf og samvinnu við foreldra.

Hefur umsjón með móttöku, þjálfun og leiðsögn nýrra starfsmanna á deildinni.

Er í stjórnendateymi leikskólans.

 

Menntunar og hæfniskröfur:

• Leyfisbréf leikskólakennara/kennara
• Íslenskukunnátta á stigi B1 skv. Samevrópska tungumálarammanum.
• Reynsla af uppeldis- og kennslustörfum með ungum börnum æskileg.
• Lipurð og sveigjanleiki í samskiptum.
• Frumkvæði í starfi og faglegur metnaður.
• Tölvukunnátta.
• Hreint sakarvottorð

 

100% staða Sérkennslustjóra frá 12. ágúst 2026 til eins árs.

Starfsvið : Yfirumsjón með skipulagningu, framkvæmd og endurmati sérkennslu í leikskólanum í samráði við leikskólastjóra.

• Yfirumsjón með gerð verkefna og gerð einstaklingsnámskráa.
• Yfirumsjón með samskiptum við foreldra, ráðgjafa og annarra sem koma að sérkennslu.
• Fræðsla, ráðgjöf og stuðningur við foreldra og starfsmenn.
• Að veita börnum með sérþarfir leiðsögn og stuðning.
• Starfa sem tengiliður farsældar í leikskólanum.

Menntunar og hæfniskröfur :

• Leikskólakennaramenntun, leikskólasérkennaramenntun, Þroskaþjálfamenntun, Bs. í sálfræði eða önnur sambærileg menntun sem nýtist í starfi.
• Reynsla af sérkennslu
• Íslenskukunnátta á stigi B1 skv. Samevrópska tungumálarammanum.
• Reynsla úr leikskóla.
• Lipurð og sveigjanleiki í samskiptum.
• Frumkvæði í starfi og faglegur metnaður.
• Góða tölvukunnátta.
• Hreint sakavottorð

 

100% stöður kennara frá 12. ágúst 2026

Starfssvið : Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra.

Menntunar og hæfniskröfur:

• Leyfisbréf til kennslu
• Góð íslenskukunnátta í ræðu og riti
• Reynsla af kennslu á leikskólastigi
• Sjálfstæð og skipulögð vinnubrögð
• Góð tölvukunnátta
• Hreint sakarvottorð

 

Gerðar eru kröfur um góða hæfni í mannlegum samskiptum og stundvísi.

Fáist ekki kennari með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Umsóknarfrestur er til og með 20. maí 2026. Við hvetjum öll kyn til að sækja um.

Umsóknum skal skila ásamt ferilskrá og meðmælum á heimasíðu leikskólans aldan.leikskolinn.is undir flipanum - Upplýsingar – Starfsumsóknir.

Launakjör eru samkvæmt kjarasamningi Sambands íslenskra sveitafélaga og Kennarasambands Íslands.

Nánari upplýsingar um störfin veitir Sólbjört Sigríður Gestsdóttir skólastjóri í síma 848 - 4270 eða með tölvupósti á leikskoli@hvolsvollur.is.