Hrafnhildur Inga Sigurðardóttir er Sveitalistamaður Rangárþings eystra 2026

Markaðs- og menningarnefnd hefur einhuga ákveðið að útnefna listakonuna Hrafnhildi Ingu Sigurðardóttur á Sámstaðabakka sem Sveitalistamann Rangárþings eystra fyrir árið 2026. Nefndin þakkar íbúum kærlega fyrir allar þær tilnefningar sem bárust vegna valsins.

Hrafnhildur Inga er Fljótshlíðingur, fædd og uppalin á Vestri-Sámstöðum. Hún hefur gert náttúru og landslagi heimahaganna góð skil í verkum sínum, þar sem íslenskt landslag, birta og veður skipa jafnan stóran sess.

Með þessari útnefningu vill sveitarfélagið þakka Hrafnhildi Ingu fyrir hennar mikilvæga framlag til lista og menningar í Rangárþingi eystra. Við óskum henni innilega til hamingju með útnefninguna.

https://fineartamerica.com/profiles/hrafnhildur-inga-sigurdardottir