08.10.2026
Ert þú með viðskiptahugmynd í maganum, spennandi menningarverkefni eða fyrirtæki sem þarf aðstoð við…
Góð hugmynd er oft upphafið að einhverju spennandi. En stundum þarf smá hvatningu, góð ráð og réttu tengslin til að koma henni í framkvæmd. Nú gefst kjörið tækifæri til að taka næsta skref!


Byggðaþróunarfulltrúi Rangárþings, Uppsveita Árnessýslu og neðri hluta Árnessýslu bjóða til vinnustofu á Selfossi fyrir þá sem eru með hugmynd að verkefni sem gæti átt erindi í Uppbyggingarsjóð Suðurlands 2026.

Vinnustofan verður haldin fimmtudaginn 15. október kl. 09:00-11:00 í Bankanum, Austurvegi 20 á Selfossi, 3. hæð.

Á vinnustofunni fá þátttakendur innblástur, hagnýta fræðslu og persónulega aðstoð við að móta verkefnahugmyndir sínar. Farið verður yfir hvernig hugmyndir falla að áherslum sjóðsins og hvað þarf að hafa í huga við gerð góðrar styrkumsóknar.

Ekki þarf að mæta með fullmótaða hugmynd! Það er nóg að vera með eitthvað spennandi í kollinum sem þig langar að skoða betur.

Vissir þú að þú getur fengið gjaldfrjálsa ráðgjöf?

Vinnustofan er líka gott tækifæri til að kynnast þjónustu byggðaþróunarfulltrúa á Suðurlandi.

Byggðaþróunarfulltrúar Samtaka sunnlenskra sveitarfélaga (SASS) aðstoða einstaklinga, frumkvöðla, fyrirtæki og stofnanir við að þróa hugmyndir og verkefni.

Ráðgjöfin er fjölbreytt og getur meðal annars snúið að:

  • Að móta hugmyndir og koma þeim í framkvæmd.

  • Að finna styrki og fjármögnunarmöguleika.

  • Gerð viðskiptaáætlana og þróun fyrirtækja.

  • Menningarverkefnum, nýsköpun og frumkvöðlastarfi.

  • Undirbúningi styrkumsókna og yfirlestri þeirra.

Þjónustan er gjaldfrjáls í allt að 7 klukkustundir á almanaksári fyrir einstaklinga, frumkvöðla og fyrirtæki og allt að 20 klukkustundir fyrir stofnanir.

Við hvetjum áhugasama til að mæta á vinnustofuna og nýta sér ráðgjöfina.

Íbúar í Rangárþingi geta einnig haft samband við Hörpu Jónsdóttur, byggðaþróunarfulltrúa Rangárþings eystra og ytra, í gegnum netfangið harpa@hvolsvollur.is eða í síma 488-4200.

Nánari upplýsingar:

Vinnustofan á Facebook

Ráðgjöf byggðaþróunarfulltrúa

Uppbyggingarsjóður Suðurlands


Til baka