Endurbygging á Hringveginum í gegnum Hvolsvöll

Það er ánægjulegt að segja frá því að Vegagerðin hefur nú auglýst útboð vegna endurgerðar Hringvegarins um Hvolsvöll. Þetta er mikilvæg framkvæmd fyrir sveitarfélagið okkar sem mun hafa góð áhrif bæði á umferðaröryggi og aðgengi íbúa, auk þess að bæta upplifun þeirra sem eiga leið um svæðið.

Verkið snýr að því að endurbyggja um 800 metra langan kafla af Hringveginum. Kaflinn nær frá afleggjaranum að tengivirki Landsnets og nær austur fyrir Dufþaksbraut. Sem hluti af þessari framkvæmd verða gerðar úrbætur á gatnamótum við Hvolsveg og Hlíðarveg. Þá er sérstakt tilhlökkunarefni að lagðir verða nýir göngu- og hjólastígar.

Umfangið á verkinu er töluvert en meðal annars verður lagt nýtt malbik, byggðar umferðareyjar og reistir 46 nýir ljósastaurar sem eiga eftir að lýsa vel upp umhverfið. Tilboðsfrestur verktaka er til 7. júlí næstkomandi og er miðað við að verkinu skuli vera að fullu lokið þann 1. september árið 2027.

Við gerum okkur vel grein fyrir því að vegaframkvæmdir af þessari stærðargráðu kalla koma til með að valda mikilli röskun. Á meðan á framkvæmdum stendur má búast við að það hafi áhrif á umferð og daglegt líf í bænum. Við biðjum íbúa og vegfarendur því um að sýna þolinmæði og tillitssemi á meðan á verkinu stendur. Kappkostað verður að tryggja öryggi allra og halda raski í lágmarki eins og kostur er.

Þessar úrbætur á vegakerfinu okkar munu nýtast okkur vel til framtíðar. Við munum fylgjast vel með gangi mála og birta frekari upplýsingar hér á vefnum um leið og framkvæmdir hefjast og nánara umferðarskipulag liggur fyrir.

Stefnt er að því að halda upplýsingafund um framkvæmdina síðar, en hann verður auglýstur sérstaklega þegar nær dregur. Við munum að sjálfsögðu fylgjast vel með gangi mála og birta frekari upplýsingar hér á vefnum um leið og nánara umferðarskipulag liggur fyrir.