Best skreytta gatan og skemmtilegasti garðurinn

Á Kjötsúpuhátíð 2025 voru veittar viðurkenningar fyrir best skreyttu götuna og svo skemmtilegasta garðinn.

Óháð dómnefnd úr öðru sveitarfélagi fór á stúfana og valdi Króktúnið sem best skryettu götuna. Gatan var með stórar og smáar skreytingar um alla götu og einstaklega skemmtileg upplifun að keyra inn götuna.

Gunnhildur Þórunn Jónsdóttir tók við viðurkenningunni fyrir hönd Króktúns.

Dómnefndin valdi svo Öldubakka 1 sem skemmtilegasta garðinn. Garðurinn var lifandi og skemmtilegur og augljóst að mikil vinna hafði verið lögð í verkið og ungir sem aldnir komið þar saman.

Stefán Friðrik Friðriksson og dóttir hans Hólmfríður Hekla Stefánsdóttir tóku á móti viðurkenningunni.