Atvinnuauglýsing - Deildarstjóri félagslegrar heimaþjónustu

Félags- og Skólaþjónusta Rangárvalla- og Vestur- Skaftafellssýslu óskar eftir að ráða deildastjóra félagslegarar heimaþjónustu. Starfshlutafall er 80-100 %. Starfsfólk félags- og skólaþjónustu starfar í þverfaglegu og sveigjanlegu starfsumhverfi þar sem lögð er áhersla á samvinnu, snemmtæka íhlutun og farsæld í þágu barna og fjölskyldna þeirra. Íbúar eru rétt rúmlega sex þúsund. Þau fimm sveitarfélög sem mynda byggðasamlag um félags- og skólaþjónustu eru: Ásahreppur, Rangárþing ytra, Rangárþing eystra, Mýrdalshreppur og Skaftárhreppur.

Við leitum að öflugum og metnaðarfullum einstaklingi í starf deildarstjóra félagslegrar heimaþjónustu.

Um er að ræða 80–100% starf þar sem viðkomandi hefur yfirumsjón með skipulagningu og framkvæmd félagslegrar heimaþjónustu og tilsjónar. Starfið felur í sér fjölbreytt verkefni þar sem áhersla er lögð á fagmennsku, góða þjónustu, sjálfstæð vinnubrögð og jákvæð samskipti.

Helstu verkefni og ábyrgð

· Umsjón með skipulagningu og framkvæmd félagslegrar heimaþjónustu.

· Mat á þjónustuþörf einstaklinga og eftirfylgd með þjónustu.

· Verkstjórn og dagleg stjórnun starfsfólks.

· Gerð vinnuáætlana, skipulagning afleysinga og sumarleyfa.

· Ráðningar, móttaka og fræðsla nýrra starfsmanna.

· Samskipti og samstarf við þjónustunotendur, aðstandendur og aðrar stofnanir.

· Samstarf við félagsráðgjafa og aðra starfsmenn félagsþjónustunnar.

· Þátttaka í þróun og stefnumótun þjónustunnar.

Menntunar- og hæfniskröfur

· Félagsráðgjöf og/eða önnur háskóla- eða fagmenntun sem nýtist í starfi.

· Reynsla af stjórnun og/eða skipulagningu þjónustu er kostur.

· Reynsla af starfi með öldruðum og/eða einstaklingum með stuðningsþarfir er kostur.

· Góð samskipta- og samstarfshæfni.

· Frumkvæði, sjálfstæði og skipulagshæfni.

· Fagleg vinnubrögð, áreiðanleiki og sveigjanleiki.

· Góð almenn tölvukunnátta.

Við bjóðum

· Fjölbreytt og krefjandi starf.

· Tækifæri til að hafa áhrif á þróun og uppbyggingu þjónustunnar.

· Samstarf við metnaðarfullan hóp starfsfólks.

· Góðan starfsanda og tækifæri til faglegs þroska.

Umsóknir

Umsóknarfrestur er til og með 1. desember 2026.

Umsókn ásamt ferilskrá og upplýsingum um menntun og fyrri störf skal berast svava@felagsmal.is

Nánari upplýsingar um starfið veitir Svava Davíðsdóttir framkvæmdarstjóri Félags- og skólaþjónustu með tölvupósti á svava@felagsmal.is.