16.06.2026

Skipulags- og byggingarfulltrúi Rangárþings eystra hvetur eigendur íbúðarhúsnæðis í sveitarfélaginu til að tryggja að húsnúmer séu ávallt sýnileg, auðlesin og fest upp á varanlegan hátt. Skýr húsnúmer geta skipt sköpum þegar sjúkraflutningafólk, slökkvilið eða aðrir viðbragðsaðilar þurfa að finna rétt hús eða íbúðir í neyð.

Skipulags- og byggingarfulltrúi hvetur því íbúðarhúsaeigendur til að yfirfara númeramerkingar við sínar eignir. Gott er að hafa í huga eftirfarandi:

· húsnúmer sé vel sýnilegt frá aðkomuvegi.

· merkingin sé nægilega stór og læsileg.

· hún sker sig greinilega úr bakgrunni.

· hún sé fest á varanlegan hátt.

· gróður, snjór eða annað byrgi ekki sýn að merkingunni.

 

Samhliða þessari áskorun til íbúa mun sveitarfélagið yfirfara götuskilti á svæðinu.


Til baka