Aðalheiður Margrét Gunnarsdóttir hlýtur Samfélagsviðurkenningu Rangárþings eystra 2025

Samfélagsviðurkenning sveitarfélagsins er tiltölulega ný af nálinni en hún er nú veitt í þriðja sinn.

Viðurkenningin er veitt þeim einstaklingi, fyrirtæki , stofnun eða félagasamtökum í Rangárþingi eystra sem þykja standa sig afburða vel í að efla samfélagið eða hafa með gjörðum sínum eða framgöngu látið gott af sér leiða og verið öðrum fyrirmynd.

Markaðs- og menningarnefndin óskaði eftir tilnefningum fyrr í sumar og all nokkrar bárust, hver annarri frambærilegri. Nefndin var þó sammála um að í ár ætti Aðalheiður Margrét Gunnarsdóttir, eða Alla eins og við þekkjum hana flest, að hljóta viðurkenninguna.

• Alla hefur verið einstaklega dugleg við að standa fyrir og skipuleggja viðburði sem hafa lífgað á samfélagið okkar. Má til að mynda nefna sýningar eins og “Litlu hryllingsbúðina” og Kabarett sem hún setti á svið með nemendum sínum í tónlistarskólanum við góðar undirtektir.
• Hún stóð fyrir skemmtilegu dansnámskeiði í Goðalandi í aðdraganda þorrablóts þar sem hún kenndi samkvæmisdansa.
• Hún hefur ásamt fleirum sett saman hlómsveit og spilað á jólaballi í Fljótshlíð undanfarin ár.
• Alla er alltaf tilbúin að aðstoða ef til hennar er leitað og
• Hún er einstaklega jákvæð og alltaf tilbúin að leggja sitt af mörkum til að gera eitthvað skemmtilegt og leggur þá jafnan nótt við dag til að láta hlutina gerast.

Það er gríðarlega dýrmætt fyrir samfélagið hér að hafa einstaklinga eins og Öllu og við vonum að hún komi til með að gleðja okkur áfram á komandi árum.