Fjölskyldunefnd

Fjölskyldunefnd felur formanni, í samráði við skólastjórnendur, að leita fleiri tilboða í innleiðingu á menntastefnu Rangárþings eystra.

Samþykkt samhljóða.

Tillaga er um að senda erindi til Mennta- og barnamálaráðuneytis til að fá álit á 170 eða 180 daga skólaári í Hvolsskóla. Tillagan er felld með 4 atkvæðum SSÚ, RB, IM og LBL gegn 3 atkvæðum SKV, ÁLS og HÓ.
Tillagan er felld á þeim forsendum að skólastjóri skilar inn gögnum til Hagstofunnar á hverju ári sem ekki hafa verið gerðar athugasemdir við.

Fjölskyldunefnd samþykkir samhljóða að leggja niður vinnuhópinn sem settur var á laggirnar til að kanna kosti og galla þess að vera með 170 eða 180 daga skólaár í Hvolsskóla.
Könnun fyrir skólaárið 2023/2024 verður send út í vor og foreldrar eru hvattir til að svara þeirri könnun til að koma skoðunum sínum á framfæri.
Skólamál verða rædd á opnum íbúafundum sem auglýstir verða síðar.

Sjálfsmatsskýrsla Hvolsskóla 2021-2022 sett fram til kynningar.

Fjölskyldunefnd felur formanni nefndarinnar að ræða við forstöðumann félags- og skólaþjónustu um framhaldið.

Fjölskyldunefnd þakkar Benediktu kærlega fyrir erindið. Nefndin leggur til við sveitarstjórn að hafin verði þarfagreining sem fyrst á því húsnæði sem losnar í sveitarfélaginu þegar leikskólinn flytur í nýju leikskólabygginguna.

Samþykkt samhljóða.

Erindi um að búið sé að opna fyrir umsóknir í Endurmenntunarsjóð er lagt fram til kynningar.