Gatnagerð í Stóragerði

Á vormánuðum 2025 fer af stað framkvæmd við gatnagarð í Stóragerði á Hvolsvelli.

Lokun við gatnamót Stóragerðis og Vallarbrautar 20-21.maí

Vegna gatnagerðar í Stóragerði verður lokað á gatnamótum Stóragerðis og Vallarbrautar vegna endurgerðar á gangbrautaþverun.
Íbúum er bent á að aka inn Stóragerði frá Nýbýlavegi til að komast að Hvolsskóla.

Við biðjumst velvirðingar á þeim óþægindum sem
framkvæmdirnar kunna að valda og þökkum fyrir sýnda tillitssemi.

Malbikun í Stóragerði - 13.maí 2026

Vegna gatnagerðar í Stóragerði verður akstur takmarkaður eins og kostur er næstu daga. Ekki verður um lokun að ræða, en íbúar og ökumenn eru vinsamlegast beðnir um að velja aðrar leiðir ef þeir hafa tök á því. Ef ekið er á viðkvæmu undirlaginu óskum við eftir að ekið sé hægt og varlega.

Áætlað er að malbika á miðvikudag og má þá búast við einhverjum töfum og takmörkunum á umferð um svæðið.

Við biðjumst velvirðingar á þeim óþægindum sem framkvæmdirnar kunna að valda og þökkum fyrir sýnda tillitssemi.

________________________________________

Stærsta einstaka fjárfesting Rangárþings eystra árið 2025 er endurnýjun gatnagerðar í Stóragerði á Hvolsvelli, en kostnaðaráætlun þess verkefnis er um 200 milljónir króna. Um er að ræða verulega umfangsmikið verk sem tekur til endurnýjunar lagna, yfirborðs gatna og gangstétta. Nauðsynlegt er að ráðast í þessa endurnýjun eldri gatna á Hvolsvelli þar sem innviðir þeirra eru allir komnir á tíma. Eins stuðlar framkvæmdin að öruggara umhverfi fyrir akandi, hjólandi og gangandi vegfarendur. Framkvæmd sem þessi þarf að vera mjög vel skipulögð og í góðu samráði við íbúa, veitufyrirtæki, verktaka o.fl.

Áætlað er að verkið hefjist í lok apríl 2025 þar sem byrjað verður á áfanga 2 frá Litlagerði að Nýbýlavegi og að þeim verði lokið seinni part ársins 2026.

Framkvæmdaaðilar eru Gröfuþjónustan á Hvolsvelli og Smávélar ehf. Verkfræðistofan Efla mun sjá um eftirlit með verkinu.

Verkið felur í sér að jarðvegsskipta götu, endurnýja fráveitu, hitaveitu, ídráttarör, ljósastauralagnir og ljósastaura og mögulega heimæðar vatnsveitu. Einnig skal endurnýja lagnir Mílu og RARIK.