Vinnuskóli Rangárþings eystra 2017

Unglingar sem fæddir eru 2001 - 2004 og hafa áhuga á því að starfa hjá vinnuskóla Rangárþings eystra í sumar er bent á að senda inn umsóknir fyrir 24. maí n.k. Vinnuskólinn verður starfræktur frá kl. 9:00 - 16:00 alla virka daga frá 1. júní til 31. júlí.  Unglingar fæddir 2004 geta fengið vinnu frá kl. 9:00 - 12:00 eða kl. 13:00 - 16:00. Umsóknareyðublöð er að finna á skrifstofu eða heimasíðu Rangárþings eystra en einnig er hægt að hafa samband við skrifstofu sveitafélagsins í síma 488-4200, þar sem tekið verður við umsóknum í síma. 

Starfsfundur með starfsmönnum vinnuskólans og foreldrum þeirra verður í Hvolnum mánudaginn 29. maí kl: 18:00. Þar verður farið yfir starfið, skyldur og réttindi ungmennanna. Æskilegt er að allir mæti. 

Ólafur Örn Oddsson íþrótta- og æskulýðsfulltrúi Rangárþings eystra.