18.04.2016
Unnið í garðinum við Gamla bæinn í Múlakoti
Föstudaginn 15. apríl sl. mætti góður hópur nemenda og kennara úr Garðyrkjuskólanum að Reykjum í Ölfusi og tók til óspilltra mála í garðinum við Gamla bæinn í Múlakoti.  Þetta er í annað sinn sem hópur frá skólanum kemur í vinnuferð og því var hafist handa þar sem frá var horfið. Garðurinn er að stofni til nær 120 ára, en hefur þróast úr 10 fm reit i 1000 fm skrúðgarð. Þetta er með alelstu görðum á Suðurlandi og því kjörið verkefni væntanlegra garðyrkjufræðinga til að kynnast hvernig gróður í svona gömlum görðum er snyrtur og endurnýjaður.

Flestir nemendur höfðu nýlokið kippinganámskeiði og má segja að vinnan í Múlakotsgarðinum þennan dag hafi verið lokaverkefni námskeiðisins. Nemendur munduðu galvaskir hvers kyns verkfæri, litlar sem stórar klippur, sagir af öllum gerðum, skóflur og haka. Nú var hægt að fjarlægja þær greinar, sem ekki mátti taka i haust sem leið og jafnframt var bætt mold og sauðataði í beð. 

Sagt er að hámark allrar útilegu sé að borða. Það sannaðist núna. Kjötsúpu frá SS, kaffi og heimabökuðum kökum voru gerð góð skil og allir voru ánægðir með dagsverkið. 



Til baka