Torfi Ásgeirsson sýnir í Gallerý Ormi í Sögusetrinu

Opnuð hefur verið sýning á olíumálverkum og vatnslitamyndum eftir listmálarann Torfa Ásgeirsson í Gallerí Ormi í Sögusetrinu.
 
Sýningin stendur til loka júní. 
 
Sýningin er opin á afgreiðslutíma setursins: alla daga vikunnar frá níu árdegis til sex síðdegis
 
nánar á www.njala.is 
 
Torfi er útlærður listmálari og hefur víða haldið sýningar á liðnum árum og áratugum. 
Hann er fæddur á Húsavík og býr í höfuðborginni en á ættir að rekja til Hlíðarenda í Fljótshlíð
þar sem forfeður hans og -mæður bjuggu í röskar þrjár aldir.Má þar minnast á Vigfús sýslumann
og börn hans Pál lögmann yfir hálfu landinu og Önnu á Stóru-Borg.