Fimmtudagskvöldið 19. janúar gengum við konur í Lionsklúbbnum Rangá í hús á Hvolsvelli og seldu bóndadagsblóm. Við þökkum afskaplega góðar mótttökur íbúa og erum glaðar með hversu margir sáu sér fært að styrkja okkur. Ágóðinn af sölunni fór í líknarsjóð klúbbsins sem að samfélagið kemur til með að njóta góðs af. Við erum ungur kvennaklúbbur í stöðugri þróun og erum ætíð til í að fá fleiri konur í lið með okkur. Við fundum annan og fjórða fimmtudag hvers mánaðar kl. 20:30 í litla salnum í Hvolnum og er áhugasömum konum velkomið að kíkja á fund hjá okkur.

Lionsfélagar láta gott af sér leiða á sviði mannúðar- og menningarmála. Hver klúbbur styður verkefni í sínu byggðarlagi og tekur jafnframt þátt í landsverkefnum og alþjóðlegum verkefnum. Lionsfélagar leggja lið þeim sem minna mega sín, m.a. sjúkum, sjóndöprum og fötluðum. Einnig eru Lionsklúbbar með verkefni tengd börnum, öldruðum, menningarmálum og umhverfi. Lionshreyfingin á Íslandi fagnar nú 60 ára afmæli sínu. Á www.lions.is er hægt að finna góðar upplýsingar um hvað Lions stendur fyrir. 

Lionsklúbburinn Rangá