Sigurbjörn Árni með skemmtilegan fyrirlestur í Hvolnum

Þriðjudaginn 8. október kl: 20:00 verður Sigurbjörn Árni Arngrímsson (Bjössi) með fyrirlestur í Litla Salnum í Hvolnum, Hvolsvelli. Fyrirlesturinn kallar hann ,,Hreyfing og heilsa". Sigurbjörn er með doktorspróf í íþróttafræði með áherslu á þjálfunarlífeðlisfræði og starfar sem prófessor á Menntavísindasviði HÍ. Sigurbjörn er þjóðþekktur fyrir skemmtilegar íþróttalýsingar á RÚV og þykir einstaklega líflegur fyrirlesari.  Fyrirlesturinn er fyrir alla og vonumst til að sjá sem flesta. Aðgangur er ókeypis. 

Í rannsóknum sínum hefur Sigurbjörn Árni helst skoðað áhrif þreks, hreyfingar og holdafars á heilsu barna og unglinga og samspil þessara þátta á heilsuna. Einnig hefur hann gert talsvert af rannsóknum á áhrifum íþróttadrykkja á þolgetu og áhrifum hita á þolgetu og hámarkssúrefnisupptöku.