Sigrún Jónsdóttir er sveitarlistamaður 2014

Sigrún Jónsdóttir hefur verið valin sveitarlistamaður Rangárþings eystra árið 2014.

Sigrún býr á Ásvelli í Fljótshlíð og er kennari í Hvolsskóla.

Í umsögn menningarnefndar segir:

Sigrún er listamaður með mikil séreinkenni og eru listaverk hennar vel þekkjanleg. 
Málverk hennar eru einstaklega falleg og fangar áhorfandann í einu og öllu.  
Sigrún hefur einnig verið dugleg við að aðstoða einstaklinga og félagasamtök með listsköpun sinni,  til að mynda teiknaði Sigrún sviðsmyndina í leikritinu Anna frá Stóru Borg sem leikfélag Austur Eyfellinga setti upp í vetur. Höfðu margir það á orði hve einstaklega falleg sú sviðsmynd væri.

Sveitarfélagið Rangárþing eystra óskar Sigrúnu innilega til hamingju með útnefninguna