Á leikskólanum Örk á Hvolsvelli hafa orðið nokkrar breytingar á stjórnunarstöðum en Heiða Björg Scheving lét af störfum sem leikskólastjóri  í lok apríl sl. Árný Jóna Sigurðardóttir var ráðin sem leikskólastjóri en hún hefur unnið sem aðstoðarleikskólastjóri á Örkinni. Anna Kristín Helgadóttir var svo ráðin aðstoðarleikskólastjóri. Rangárþing eystra óskar þeim Árný Jónu og Önnu Kristínu innilega til hamingju með nýju störfin og þakkar Heiðu Björg fyrir gott samstarf.