Heiðrún Helga í 2. sæti í ungfrú Suðurland

Fegurðasamkeppnin ungfrú Suðurland fór fram á föstudaginn 30. mars sl. 

Fjórtán glæsilegar stúlkur af Suðurlandi tóku þátt í keppninni og munu fimm þeirra fara áfram í keppnina um Ungfrú Ísland.

Eva Dögg Davíðsdóttir, 18 ára Eyjamær, var valin Ungfrú Suðurland 2012 á Fegurðarsamkeppni Suðurlands sem fram fór á Hótel Selfossi. Í 2. sæti varð Heiðrún Helga Ólafsdóttir frá Hvolsvelli, í 3. sæti Sandra Silfá Ragnarsdóttir frá Selfossi, í 4. sæti Bryndís Hera Gísladóttir frá Þorlákshöfn og í 5. sæti Bylgja Sif Jónsdóttir frá Hveragerði. Lesendur sunnlenska.is kusu Bylgju Sif netstúlku sunnlenska.is.

Alexandra Rut Kristinsdóttir frá Ferjunesi í Ölfusi var valin ljósmyndafyrirsæta Suðurlands, Guðrún Telma Þorkelsdóttir frá Eyrarbakka var valin sportstúlka Suðurlands og Arney Lind Helgadóttir var valin bjartasta brosið. Keppendurnir völdu Þórhildi Ósk Stefánsdóttur frá Vestmannaeyjum vinsælasta keppandann.

Keppnin á Hótel Selfossi var hin glæsilegasta og fór hún fram fyrir fullu húsi undir styrkri stjórn Bessa Theodórssonar sem var kynnir keppninnar.

Heiðrún Helga er dóttir Ástu Laufeyjar Sigurðardóttur og Ólafs Elí Magnússonar á Hvolsvelli.

Í dómnefnd voru Arnar Laufdal formaður, Guðrún Möller, Heiðar Jónsson, Silja Allansdóttir og Hlíf Hauksdóttir.

Þetta kemur m.a. fram á www.sunnlenska.is