Framhaldsskólanemendur athugið!

Rangárþing eystra hefur ákveðið að koma til móts við framhaldsskólanemendur sem eru í verkfalli þessa dagana. Nemendunum í framhaldsskóla býðst að koma milli kl: 08:00 – 12:00 í Fjarfundarstofuna í Hvolsskóla föstudaginn 28. og mánudaginn 31. mars og læra. Um tilraunarverkefni er að ræða og verður þessu framhaldið ef áhugi nemenda er fyrir því.

Einnig fá framhaldsskólanemendur frítt í sund (gegn framvísun skólaskírteinis) milli kl: 08:00 – 14:00 alla virka daga meðan á verkfallinu stendur.  

Að auki verður Ungmennahús félagsmiðstöðvarinnar opnað föstudaginn 28. mars kl: 20:00 –  23:00. Ungmennahúsið er starfrækt í húsnæði félagsmiðstöðvarinnar Tvisturinnn og er fyrir aldurinn 16+  (árgangur 1997 og eldri). Þar geta ungmenni komið saman og stytt sér stundir undir umsjón Þrastar Sigfússonar, forstöðumanns félagsmiðstöðvarinnar. Einnig verður opið miðvikudaginn 2. apríl kl: 20:00 og svo einn föstudag og einn miðvikudag í mánuði í samráði við ungmennin sem hlut eiga að máli.

Allar upplýsingar gefur Ólafur Örn, íþrótta- og æskulýðsfulltrúi í síma 694-3073.