Framhaldsprófstónleikar Jens Sigurðssonar í gítarleik

Framhaldsprófstónleikar í Sögusetrinu Hvolsvelli
Jens Sigurðsson heldur framhaldsprófstónleika í gítarleik í Sögusetrinu Hvolsvelli miðvikud. 30. apríl 2014, kl. 19:00
Á dagskrá eru verk eftir Piazzolla, Händel, Villa-Lobos, Lauro, Rodgers og Jens Sigurðsson.

Aðrir flytjendur eru:
Kristín Anna Th. Jensdóttir, söngur
Auður Friðgerður Halldórsdóttir, söngur
Ingibjörg Elfa Sigurðardóttir, söngur
Gítartríó frá Selfossi.

Jens Sigurðsson býr og starfar í Rangárvallasýslu. Hann hefur sótt nám í klassískum gítarleik í Tónlistarskóla Hafnarfjarðar hjá Erni Arnarsyni, í Tónlistarskóla Rangæinga hjá Helga Kristjánssyni og í Tónlistarskóla Árnesinga hjá Birgit Myschi. Samhliða námi hefur hann sinnt gítarkennslu í Tónlistarskóla Rangæinga og um tíma í afleysingum í Tónlistarskóla Árnesinga. Jens er virkur í tónlistarlífi Rangæinga og er hann m.a. meðlimur í Sönghópnum Öðlingunum, er í Kirkjukór Breiðabólstaðarprestakalls og hefur sungið með Karlakór Rangæinga. Auk tónlistarnáms og starfa er Jens lærður rennismiður og kjötiðnaðarmaður.
Aðgangur er ókeypis og öllum opinn.