15.10.2015
Fagna því að Njálfurefillinn er hálfnaður

Fagna því að Njálfurefillinn er hálfnaður 

Njálfurefillinn er senn hálfnaður og stefnt er að því að rúlla upp fyrra hluta hans þriðjudaginn 20. október kl: 19:00.-22:00. Þá verða síðustu sporin í fyrstu 45 metrana tekin og hafist handa við að taka ný spor í seinni hluta verksins og hefja þannig seinni hálfleik formlega. Verkið sem var talið taka um 10 ár að sauma verður búið á helmingi styttri tíma ef verkinu miðar áfram eins vel og hingað til og klárast það þá árið 2018. 

Njálurefillinn er verkefni sem unnið hefur verið að í Refilstofunni sem staðsett er í Sögusetrinu á Hvolsvelli. Það eru þær Christina M. Bengtsson og Gunnhildur E. Kristjánsdóttir sem eiga veg og vanda að þessu verkefni en Njálurefillinn snýst um að sauma Brennu-Njálssögu með refilsaumi í 90 m. langan refil.

Allir eru velkomnir til að taka þátt 20 október og taka ný spor í nýjar fallegar myndir, gestum verður boðið upp á kaffi og köku úr smiðju Ginu.




 


Til baka