2211048
Óskað eftir breytingu á deiliskipulagi á Uppsölum L164200. Breytingin felst í því að gerð er ný lóð, Uppsalir 4 sem er 3,0 ha að stærð. Heimilt verður að byggja íbúðarhús/bílskúr, allt að 250 m2, gestahús allt að 50 m2 og skemmu allt að 250 m2. Skipulags- og umhverfisnefnd bókaði eftirfarandi um málið:
Tillagan var auglýst frá 4. janúar sl. með athugasemdafresti til 15. febrúar sl. Í athugasemd Heilbrigðiseftirlits suðurlands kemur fram að færa þurfi rök fyrir því ef vikið verði frá meginreglu reglugerðar 798/1999 um fráveitur os skólp, varðandi sameiginlega fráveitu. Einnig bendir Heilbrigðiseftirlitið á að staðsetning hreinsivirkis skuli vera með þeim hætti að aðgengi sé gott til tæmingar og viðhalds. Skipulags- og umhverfisnefnd bendir á að stærð og lögun lóða, ásamt mikilli fjarlægð á milli mannvirkja, geri það að verkum að erfitt er um vik að koma fyrir sameiginlegu hreinsivirki. Skipulags- og umhverfisnefnd samþykkir tillöguna, með fyrirvara um að gögn verði lagfærð varðandi staðsetningu hreinsivirkis, og að hún verði afgreidd í samræmi við 42. gr. skipulagslaga nr. 123/2010.
Oddviti óskar eftir að bæta einu máli á dagsskrá, máli nr 49. Strandarvöllur ehf Fundarboð á aðalfund 2023.
Samþykkt með sjö samhljóða atkvæðum.
Í fundarsalnum sitja Árný Hrund Svavarsdóttir, Sigríður Karólína Viðarsdóttir, Sandra Sif Úlfarsdóttir, Rafn Bergsson, Bjarki Oddsson, Guri Hilstad Ólason og oddviti Tómas Birgir Magnússon, Árný Lára Karvelsdóttir markaðs- og kynningarfulltrúi sem sér um útsendinguna og Margrét Jóna Ísólfsdóttir skrifstofu- og fjármálastjóri sem ritar fundargerð en hún situr einnig fundinn sem staðgengill sveitarstjóra í fjarveru Antons Kára.