Ungmennaráð

Ungmennaráð mun standa fyrir páskaeggja leit. Viðburðurinn verður auglýstur á Instagram síðu ungmennaráðs og Facebook síðu sveitarfélagsins.

Ungmennaráð skorar á sveitarstjórn að kmoa Aparólunni upp sem fyrst og ungmennaráð leggur til að hún verði sett niður norðan við Hvolsskóla þ.e. á milli yngsta stigs og Gíslahóls. Ungmennaráð telur að þessi staðsetning nýist börnum og ungmennum Rangárþings eystra best, bæði er það nálægð við Hvolsskóla og engar stórar umferðagötur nálægt.

Nefndarmenn ræddu ýmsar hugmyndir og töldu upplagt að hafa þrautahjólabraut á svæðinu og fá BMX brós til að koma. Einnig mætti nýta núverandi félagsmiðstöð undir einhverja starfssemi.

Barnvænt samfélag:
Nefndarmenn Ungmennaráðs eru boðaðir á alla fundi Barnvæns samfélags. Þeir fundir eru þó á skóla- og/eða vinnutíma og eiga ekki allir meðlimir ungmennaráðs ekki kost á því að fá frí frá vinnu eða skóla. Óskar Ungmennaráð Rangárþings eystra því eftir því að fundir Barnvæns samfélags séu eftir að skóla og vinnu lýkur.

Erasmus verkefni:
Nefndarmenn óskuðu eftir því við Íþrótta og æskulýðsfulltrúa á að skoða möguleika á Erasmus verkefni.

Námskeið fyrir starfsmenn vinnuskólans:
Ungmennaráð leggur til og óskar eftir því að starfsmenn vinnuskóla Rangárþings eystra sumarið 2023 fái fjölbreytt námskeið á meðan á vinnutímabili stendur. Þetta geta verið námskeið tengd fjármálalæsi, launaseðli, réttindum, almenn samskipti, fordóma o.fl. Lagt er til að yfirmaður vinnuskólans skipuleggi og festi dagsetningar fyrir námskeið í samræmi við verkstjóra vinnuskólans.

Barnapíunámskeið:
Ungmennaráð óskað eftir því að íþrótta- og æskulýðsfulltrúi myndi skoða möguleika á því að fá Rauðakrossinn til að vera með námskeið í skyndihjálp fyrir barnapíur á svæðinu.