2207180
Um er að ræða deiliskipulag á ca 1,0 ha spildu úr landi Ytri-Hóls 1 L163950. Gert er ráð fyrir veiðihúsi allt að 100 m2 að stærð með mænishæð allt að 8,0 m, 2-3 svefnhús samanlagt allt að 160 m2 að stærð með mænishæð allt að 5,0 m og aðstöðuhúsi, allt að 80 m2 að stærð með mænishæð allt að 5,0 m. Skipulags- og umhverfisnefnd bókaði eftirfarandi við tillöguna:
Tillagan var auglýst frá 7. september með athugasemdarfresti til 19. október. Einnig var tillagan send til umsagnar. Í umsögn Veðurstofunnar kemur fram að ef um er að ræða eldsumbrot í vesturhluta Kötlu eða norðurhluta Eyjafjallajökuls sé mögulegt að umrætt svæði verði fyrir áhrifum hlaupvatns. Skipulags- og umhverfisnefnd bendir á að ef komi til náttúruhamfara þá er í gildi viðbragðsáætlun í sveitarfélaginu. Í sameiginlegri athugasemd sumarhúsaeiganda, sem eru í nálægð við skipulagssvæðið sem og eiganda jarðarinnar Ytri Hóls, koma fram mótmæli við fyrirhugaðri staðsetningu veiðihúss. Staðsetning er m.a. talin vera of nálægt núverandi sumarhúsum, aukning verði á umferð og ónæði í kringum mannvirkin, öflun neysluvatns sé ótrygg, um sé að ræða skerðingu á úrvals landbúnaðarlandi og að skilgreina þurfi breytta landnotkun á reitnum. Skipulags- og umhverfisnefnd tekur undir framkomnar athugasemdir varðandi nálægð lóðarinnar við sumarhúsin. Í uppfærðri tillögu hefur verið komið til móts við athugasemd varðandi fjarlægð og er búið að færa lóðina frá fyrrgreindum sumarhúsum um ca 100 m. Er þá heildarfjarlægð á milli byggingarreita þess sumarhúss sem næst er og fyrighugaðrar lóðar ríflega 200m. Skipulags- og umhverfisnefnd bendir á að óhjákvæmilega verði einhver aukning á umferð o.þ.l. ónæði í kringum mannvirkin, sérstaklega á meðan að veiðitímabilinu stendur. Það geti þó varla talist meiriháttar. Varðandi skerðingu á úrvals landbúnaðarlandi þá bendir nefndin á að um er að ræða mjög lítin hluta úrvals landbúnaðarlands sveitarfélagsins, eða ca 1,0 ha. Skipulags- og umhverfisnefnd bendir á að starfsemin samræmist aðalskipulagi sveitarfélagsins 2012-2024, kafli 4.17.3, þar sem að heimild er fyrir annari atvinnustarfsemi á landbúnaðarsvæðum. Ekki þurfi því að skilgreina aðra landnotkun. Skiplags- og umhverfisnefnd samþykkir tillöguna og að hún verði send Skipulagsstofnun til yfirferðar í samræmi við 42. gr. skipulagslaga nr. 123/2010.