2206020
Fulltrúar B-lista leggja fram tillögu um að hið fyrsta verði samið við óhagnaðardrifið leigufélag um byggingu á raðhúsi í Hallgerðartúni, Hvolsvelli. Í lok síðasta kjörtímabils voru fulltrúar Bjarg-íbúðafélags fengnir á fund sveitarstjónar og voru þeir tilbúnir til að koma að slíkri byggingu hér á Hvolsvelli. Það var hins vegar vilji fyrir því þá að skoða fleiri möguleika m.a. við Brák, húsnæðissjálfseignarstofnun. Það er nauðsynlegt að hraða slíkri framkvæmd til að hægt sé að tryggja uppbyggingu á leiguhúsnæði á hagstæðum kjörum, enda er skortur á leiguhúsnæði í sveitarfélaginu. Við sjáum að nú í öðrum áfanga Hallgerðartúns er tækifæri til að þetta verði að veruleika og því ekki eftir neinu að bíða.
Samþykkt með 7 samhljóða atkvæðum að 2205053 Tillaga að endurskoðuðu stjórnskipulagi Rangárþings eystra; seinni umræða verði mál númer 1, að 2205054 Endurskoðun samþykkta; seinni umræða verði mál númer 2 og að 2011011 Framkvæmdir og viðhald - Nýr leikskóli Vallarbraut verði mál númer 3 . Aðrir liðir dagskrár færast eftir því.