Skipulags- og umhverfisnefnd

Skipulags- og umhverfisnefnd leggur til smávægilegar breytingar á deiliskipulagi miðbæjar er varða gönguleið frá Eldfjallasetrinu Lava að miðbæjartúninu, breytingu á byggingarreit við félagsheimilið Hvol vegna uppsetningar á styttunni Afrekshugur ásamt aðgengi að henni, endurskoða bílastæði við Sóleyjargötu og gefa möguleika á verslun- og þjónustu við Sóleyjargötu 2-8. Nefndin leggur einnig til, að breytingum loknum verði skipulag svæðisins kynnt áhugasömum aðilum til uppbyggingar.

Skipulags- og umhverfisnefnd leggur til við sveitarstjórn að enduskoða skipulag við Bergþórugötu með það að markmiði að bjóða upp á fjölbreyttari möguleika á húsagerðum.

Skipulags- og umhverfisnefnd samþykkir skrá um vegi í náttúru Íslands og að hún verði send umasgnaraðilum til yfirferðar.

Á 1. fundi Skipulags- og umhverfisnefndar var lagt til við sveitarstjórn að afgreiðslu málsins yrði frestað vegna athugasemdar er snéri að öflun neysluvatns. Í uppfærðri tillögu deiliskipulagsins er búið að bregðast við athugasemdinni. Skipulags- og umhverfisnefnd samþykkir tillöguna og leggur til við sveitarstjórn að hún verði afgreidd í samræmi við 42. gr. skipulagslaga nr. 123/2010.

Vegna athugasemdar er snýr að öflun neysluvatns leggur skipulags- og umhverfisnefnd til við sveitarstjórn að afgreiðslu málsins verði frestað.

Vegna athugasemda er snúa að aðkomu að svæðinu, fornleifaskráningu og öflun neysluvatns leggur skipulags- og umhverfisnefnd til við sveitarstjórn að afgreiðslu málsins verði frestað.

Skipulagsbreytingin var auglýst frá 13. júlí sl. með athugasemdarfresti til og með 24. ágúst 2022. Ekki komu fram athugasemdir frá lögbundnum umsagnaraðilum. Athugasemd kom er varðaði það að breyta raðhúsalóð í fjölbýlishúsalóð. Þar kemur fram að yfirbragð hverfis muni breytast, skuggavarp aukast, útsýni skerðast og að óhjákvæmilega muni umferðarmagn aukast við fyrirhugaðar breytingar. Einnig er bent á það að um sé að ræða grundvallarbreytingu á forsendum sem giltu þegar núverandi lóðarhafar fengu lóðum sínum úthlutað og lóðarumsóknir þeirra byggðust á. Skipulags- og umhverfisnefnd tekur ekki undir athugasemdir um að um sé að ræða grundvallarbreytingu á hverfinu þar sem einungis er verið að gera breytingu er varðar 3 lóðir af 47 við Hallgerðartún. Td mun skuggavarp ekki aukast þar sem um er að ræða nyrstu lóðina í hverfinu og mun hún ekki skyggja á aðrar lóðir innan Hallgerðartúns. Útsýni mun að einhverju leyti skerðast en þó er það minniháttar þar sem að hámarkshæð bygginga eykst einungis um 2 metra við fyrirhugaða breytingu, úr 5,5m í 7,5m. Að einhverju leyti mun umferð aukast með fjölgun íbúða, en þeim munu fjölga úr 6 í 14. Skipulags- og umhverfisnefnd bendir á að umferð að þeim lóðum sem um ræðir mun að öllum líkindum einungis verða frá nýjum Ofanbyggðarvegi og hafa þ.a.l. ekki mikil áhrif á aðra íbúa Hallgerðartúns. Mikilvægt sé því að þegar farið verði í gatnagerð í 3ja áfanga Hallgerðartúns verði tenging frá Ofanbyggðarvegi einnig fullgerð inn í hverfið. Skipulags- og umhverfisnefnd leggur til við sveitarstjórn að deiliskipulagsbreytingin verði samþykkt í samræmi við 42. gr. skipulagslaga nr. 123/2010.

Skipulags- og umhverfisnefnd samþykkir drög að framlögðu bréfi til framkvæmdaraðila.

Skipulags- og umhverfisnefnd samþykkir að starfsmenn skipulags- og byggingarfulltrúa, ásamt áhaldahúsi, vinni heildstætt að málinu í öllu sveitarfélaginu. Mikilvægt er að forgangsraða þeim verkefnum sem þarf að fara í og í framhaldi gera ráð fyrir fjármunum í fjárhagsáætlun næstu ára.

Skipulags- og umhverfisnefnd leggur til við sveitarstjórn að tillagan verði ekki afgreidd sem óveruleg breyting, heldur samþykkt til auglýsingar skv. 41. gr. skipulagslaga nr. 123/2010 þar sem um er að ræða það mikla breytingu á útliti og formi mannvirkjanna sem um ræðir.

Skipulags- og umhverfisnefnd leggur til við sveitarstjórn að deiliskipulagsgerð verði heimiluð.

Skipulags- og umhverfisnefnd samþykkir drög að umsögn er varðar mat á umhverfisáhrifum efnistökunnar og felur skipulags- og byggingarfulltrúa að vinna að málinu varðandi umhverfisáhrif, umferðaröryggi og álag á Þjóðveg 1.

Skipulags- og umhverfisnefnd leggur til við sveitarstjórn að framkvæmdarleyfi verði veitt.

Skipulags- og umhverfisnefnd gerir ekki athugasemd við landskiptin og staðföng hinna nýju spildna.

Skipulags- og umhverfisnefnd gerir ekki athugasemd við vinnslutillögu að Aðalskipulags Mýrdalshrepps 2021-2033. Skipulagsnefnd óskar eftir viðræðum varðandi samræmingu á sveitarfélagamörkum samhliða heildarendurskoðun Aðalskipulags beggja sveitarfélaga.