26. fundur 14. apríl 2025 kl. 16:30 - 17:46 á skrifstofu Rangárþings eystra
Nefndarmenn
  • Christiane L. Bahner formaður
  • Guri Hilstad Ólason aðalmaður
  • Konráð Helgi Haraldsson aðalmaður
  • Hildur Guðbjörg Kristjánsdóttir aðalmaður
  • Kristín Jóhannsdóttir aðalmaður
Starfsmenn
  • Anton Kári Halldórsson sveitarstjóri
  • Margrét Jóna Ísólfsdóttir
Fundargerð ritaði: Helga Guðrún Lárusdóttir starfsmaður
Dagskrá
Stefán Friðrik byggðaþróunarfulltrúi kom á fundinn undir þessum lið.

1.Ferðamálastefna Rangárþings eystra

1903081

Ferðamálastefna Rangárþings eystra sem samþykkt var árið 2020 tekin til umræðu.
Markaðs- og menningarnefnd felur Markaðs- og kynningarfulltrúa og Byggðaþróunarfulltrúa að fara yfir núverandi ferðamálastefnu og gera samantekt á því sem hefur verið gert fyrir næsta fund nefndarinnar.

2.Víkingurinn 2025

2503034

Beiðni kom frá félagi kraftamanna um að hluti keppninnar Víkingar 2025 fari fram í Rangárþingi eystra 11. - 13. júní 2025. Beðið er um styrk að upphæð 250 þúsund að auki beiðni um aðstöðu fyrir viðburðinn.
Markaðs- og menningarnefnd þakkar erindið en leggur til að ekki verði tekið þátt í þessu verkefni í ár.

3.Njáluhátið 21. - 24. ágúst 2025

2503096

Sveitarstjórn óskar eftir áliti markaðs- og menningarnefndar á fyrirhugaðri Njáluhátíð 21. - 24. ágúst 2025.
Markaðs- og menningarnefnd fagnar framtakinu og óskar skipuleggjendum góðs gengis.
Christiane Bahner víkur af fundi.

4.17. júní hátíðarhöld 2025

2504043

Auglýst var eftir áhugasömum aðilum til að halda 17. júní hátíðarhöld á Hvolsvelli.
Markaðs- og menningarnefnd þakkar þeim aðilum sem sóttu um fyrir áhugann. Starfsmanni skrifstofu er falið að vinna áfram að málinu í samræmi við umræðu fundarins.
Christiane Bahner mætir aftur á fund.

5.The Rift fjallahjólakeppnin 2025

2503060

Byggðarráð leggur til við markaðs- og menningarnefnd að koma með tillögur að viðburðum í sveitarfélaginu í kringum Rift fjallahjólakeppnina 2025.
Ýmsar hugmyndir ræddar, starfsmanni skrifstofu falið að afla frekari upplýsinga og áframhaldandi umræða á næsta fundi.

Fundi slitið - kl. 17:46.