28. fundur 17. desember 2025 kl. 13:00 - 13:30 á skrifstofu Rangárþings eystra
Nefndarmenn
  • Sigríður Karólína Viðarsdóttir formaður
  • Rafn Bergsson
  • Lea Birna Lárusdóttir
  • Ásta Brynjólfsdóttir
  • Unnur Óskarsdóttir áheyrnarfulltrúi kennara
  • Tómas Birgir Magnússon
    Aðalmaður: Guðni Ragnarsson
Starfsmenn
  • Sólbjört Sigríður Gestsdóttir leikskólastjóri
  • Anton Kári Halldórsson sveitarstjóri
Fundargerð ritaði: Anton Kári Halldórsson sveitarstjóri
Dagskrá
Formaður fjölskyldunefndar setur fund og óskar eftir athugasemdum við fundarboð ef einhverjar eru. Engar athugasemdir gerðar.

Ágúst Leó Sigurðsson og Sandra Sif Úlfarsdóttir boðuðu forföll og varamenn höfðu ekki tök á því að mæta í þeirra stað.

1.Samræmdar dagsetningar umsókna í grunnskóla

2512001

Miðstöð menntunar og skólaþjónustu óskar eftir því að öll sveitarfélög á landinu samþykki sameiginlegt tímabil fyrir innritun og umsóknir í grunnskóla í samræmi við það sem fram kemur í innsendu erindi.
Fjölskyldunefnd samþykkir sameiginlegt tímabil fyrir innritun og umsóknir í grunnskóla í samræmi við það sem fram kemur í erindi Miðstöðvar menntunar og skólaþjónustu.
Samþykkt samhljóða.

2.Umsókn um styrk vegna fræðslu 2025 frá ADHD samtökunum - 26.11.2025

2511084

Lögð fram beiðni ADHD-samtakanna um styrk til að tryggja viðeigandi fræðu um ADHD til íbúa í Rangárþingi eystra.

Byggðarráð Rangárþings eystra fjallaði um erindið á fundi sínum þann 4. desember og bókaði eftirfarandi:

Byggðarráð vísar erindinu til umfjöllunar í Fjölskyldunefnd og felur nefndinni að afla gagna um hvers konar fræðsla stendur sveitarfélaginu til boða.
Fjölskyldunefnd felur formanni nefndar að eiga samráð við ADHD samtökin og stofnanir á vegum sveitarfélagsins og kanna með hvort grundvöllur sé fyrir því að vinna fræðsluáætlun fyrir Rangárþing eystra.
Samþykkt samhljóða.

3.Leikskólinn Aldan; Ársskýrsla 2024-2025

2512035

Ársskýrsla Leikskólans Öldunnar fyrir skólaárið 2024-2025 lögð fram til kynningar og umræðu í Fjölskyldunefnd.
Fjölskyldunefnd þakkar fyrir greinargóða ársskýrslu og góða kynningu leikskólastjóra á henni. Fjölskyldunefnd lýsir yfir ánægju með hversu vel starfið gengur á leikskólanum Öldunni.

Fundi slitið - kl. 13:30.