306. fundur 02. júlí 2026 kl. 08:15 - 08:34 á skrifstofu sveitarfélagsins
Nefndarmenn
  • Aðalbjörg Rún Ásgeirsdóttir formaður
  • Andri Már Óskarsson varaformaður
  • Rafn Bergsson aðalmaður
  • Tómas Birgir Magnússon áheyrnarfulltrúi
Starfsmenn
  • Björn Ingi Jónsson ritari
  • Anton Kári Halldórsson sveitarstjóri
Fundargerð ritaði: Björn Ingi Jónsson Fjármála- og skrifstofustjóri
Dagskrá
Formaður byggðarráðs býður fundarmenn velkomna og setur fund. Formaður óskar eftir athugasemdum við fundarboð. Engar athugasemdir gerðar.

1.Starfshópur um ferjuáætlun - tilnefningar

2606077

Innviðaráðuneytið hefur nú óskað eftir tilnefningum í starfshóp um ferjuáætlun. Lögð verður sérstök áhersla á samráð við hagaðila við vinnu starfshópsins. Af þeim sökum óskar innviðaráðuneytið eftir að Rangárþing eystra sendi ráðuneytinu upplýsingar um formlegan tengilið vegna samráðs við starfshópinn.
Byggðarráð tilnefnir Þóru Björg Ragnarsdóttur, skipulags- og byggingarfulltrúa Rangárþings eystra sem formlegan tengilið sveitarfélagsins.
Samþykkt með þremur samhljóða atkvæðum.

2.Umsagnarbeiðni - tækisfærileyfi - Gunnarshólmi 26.06.2026- FEBRANG

2606097

Sýslumaðurinn á Suðurlandi óskar eftir umsögn vegna tækifærisleyfis í Gunnarshólma.
Viðburður hefur nú þegar farið fram og hefur jákvæð umsögn verið gefin þar sem að allir umsagnaraðilar á vegum sveitarfélagsins höfðu veitt jákvæða umsögn.
Staðfest samhljóða með þremur atkvæðum.

3.Ábendingar til sveitarfélaga vegna búfjárbeitar og ágangs búfjár

2606100

Lagðar fram ábendingar atvinnuvegaráðuneytis vegna búfjárbeitar og ágangs búfjár.
Byggðarráð þakkar fyrir gagnlegar ábendingar. Að mati ráðsins eru málefnin í nokkuð góðum skorðum í Rangárþingi eystra. Byggðarráð vísar ábendingum til kynningar hjá fjallskilanefndum Fljótshlíðar og Vestur-Eyjafjalla.
Til máls tóku AKH, RB, TBM
Samþykkt með þremur samhljóða atkvæðum.

4.Framkvæmdarleyfi - endurnýjun á hitaveitulögn undir Suðurlandsvegi

2606027

Veitur ohf. óska eftir framkvæmdarleyfi vegna endurnýjunar á stuttum hluta hitaveitulagnar undir Suðurlandsvegi. Framkvæmdin verður unnin að næturlagi og gert er ráð fyrir að loka þurfi hringveginum skv. meðfylgjandi lokunarplani. Áætlað er að framkvæmdin taki allt að þrjár nætur.

Skipulags- og umhverfisnefnd gerir ekki athugasemd við umsóknina og leggur til við sveitarstjórn að framkvæmdarleyfið verði veitt. Skipulags- og umhverfisnefnd fer fram á að framkvæmdaraðili tilkynni framkvæmdina og lokunarplan til viðbragðsaðila á svæðinu.
Byggðarráð staðfestir bókun skipulags- og umhverfisnefndar og samþykkir veitingu framkvæmdaleyfis til Veitna ohf. fyrir endurnýjun á lögnum.
Samþykkt með þremur samhljóða atkvæðum.

5.Framkvæmdarleyfi - lagningar neðansjávarvatnsleiðslu NSL4 til Vestmannaeyja

2606034

Vestmannaeyjarbær óskar eftir framkvæmdarleyfi vegna lagninu neðansjávarvatnsleiðslu NSL4 innan marka Rangárþings eystra. Framkvæmdin felur í sér landtöku leiðslunnar í Bakkafjöru, lagningu hennar að tengipunkti við núverandi vatnsveitukerfi og tilheyrandi frágang á framkvæmdasvæði.

Skipulags- og umhverfisnefnd leggur til við sveitarstjórn að framkvæmdarleyfi verði veitt, eins og henni er lýst í framlögðum gögnum. Nefndin hvetur framkvæmdaraðila til að upplýsa landeigendur Bakka, L163845 um framkvæmdina.
Byggðarráð staðfestir bókun skipulags- og umhverfisnefndar og samþykkir veitingu framkvæmdaleyfis til Vestmannaeyjabæjar fyrir lagningu neðansjávarvatnsleiðslu.
Samþykkt með þremur samhljóða atkvæðum.

6.Merkjalýsing - Hvítanes

2601063

Landeigandi óskar eftir að stofna tvær spildur úr jörðinni Hvítanes, L 163949 svk. framlagðri merkjalýsingu. Önnur spildan verður 22,2 ha að stærð og hin 44,4 ha að stærð. Lagt er til að staðföngin verði Hvítanes 1a og Hvítanes 1b.

Skipulags- og umhverfisnefnd leggur til við sveitarstjórn að landskiptin verði samþykkt en að staðföngin verði Hvítanes A og Hvítanes B með vísan í reglugerð 577/2017 um skráningu staðfanga og handbækur HMS.
Byggðarráð staðfestir bókun skipulags- og umhverfisnefndar. Byggðarráð samþykkir landskiptin og hin nýju staðföng.
Samþykkt með þremur samhljóða atkvæðum.

7.Deiliskipulag - Fossengi úr landi Brúar

2602042

Deiliskipulagið tekur til nýrrar lóðar sem er 30.150 m² og fær heitið Fossengi. Lóðin er úr jörðinni Brú, L163848. Gerðir eru tveir byggingareitir innan Fossengis: á B1 verður heimilt að byggja 300 m² einbýlishús á tveimur hæðum ásamt 60 m² bílskúr. Á B2 verður heimilt að byggja fjögur 30 m² frístundahús með möguleika á rekstri.

Tillagan var send til lögbundinna umsagnaraðila og auglýst frá 16. mars til og með 30. apríl 2026. Náttúruverndarstofnun veita ekki umsögn þar sem svæðið er ekki skilgreint með sérstaka vernd, Heilbrigðiseftirlit Suðurlands bendir á að fjalla þarf um fjölda gesta og fara fram á samráð varðandi fráveitu. Minjastofnun gerir ekki athugasemd. Vegagerðin gerir ekki athugasemdir en bendir á kröfur Vegagerðarinnar, m.a. að ef komi til frekari uppbyggingar skuli öðrum vera heimilt að samnýta vegtenginguna. Veðurstofa Íslands gerir athugasemd við tillöguna þar sem svæðið er á skilgreindu hættusvæði vegna mögulegra eldgosa og jökulhlaupa. Bætt hefur verið við í tillöguna að viðbragðsáætlun almannavarna vegna náttúruvá skuli vera aðgengileg bæði ábúendum og gestum. Skipulags- og umhverfisnefnd hvetur landeigendur að kynna sér áætlunina. Skipulags- og umhverfisnefnd leggur til við sveitarstjórn að tillagan verði afgreidd skv. 42. gr. skipulagslaga nr. 123/2010.
Byggðarráð staðfestir bókun skipulags- og umhverfisnefndar. Byggðarráð samþykkir tillöguna og að hún verði afgreidd skv. 42. gr. skipulagslaga nr. 123/2010.
Samþykkt með þremur samhljóða atkvæðum.

8.Deiliskipulag - Austurvegur 10

2601038

Deiliskipulagsbreytingin gerir ráð fyrir stækkun lóðarinnar og nýjum byggingarreit B2 undir bílaþvottastöð og 130 m² byggingu tengda starfseminni.

Skipulags- og umhverfisnefnd leggur til við sveitarstjórn að framlögð tillaga verði auglýst skv. 43. gr. skipulagslaga nr. 123/2010.
Byggðarráð staðfestir bókun skipulags- og umhverfisnefndar. Byggðarráð samþykkir að tillagan verði auglýst skv. 43. gr. skipulagslaga nr. 123/2010.
Til máls tóku RB, AKH
Samþykkt með þremur samhljóða atkvæðum.

9.Fyrirhuguð miðurfelling Grjótárvegar (2597-01)

2606112

Vegagerðin tilkynnir um fyrirhugaða niðurfellingu Grjótárvegar Rangárþingi eystra, af vegaskrá.
Lagt fram til kynningar.

10.Fjölskyldunefnd - 32

2606011F

Fundargerð 32. fundar fjölskyldunefndar Rangárþings eystra lögð fram til staðfestingar.
Fundargerð staðfest í heild sinni.
Samþykkt með þremur samhljóða atkvæðum.
  • 10.1 2606088 Kosning formanns og varaformanns; Fjölskyldunefnd 2026-2030
    Fjölskyldunefnd - 32 Anton Kári, sveitarstjóri leggur fram tillögu um að Hulda Dóra Eysteinsdóttir verði kjörin formaður og Bjarki Freyr Sigurjónsson varaformaður.
    Samþykkt með sex atkvæðum samhljóða.
  • 10.2 2606089 Erindisbréf fjölskyldunefndar 2026-2030
    Fjölskyldunefnd - 32 Anton Kári fór yfir erindisbréf nefndarinnar, áherslur og skyldur nefndarmanna.
    Umræður sköpuðust um nafnið á nefndinni og leggur nefndin til að því verði breytt í Mennta- og velferðarnefnd í stað Fjölskyldunefndar. Nýtt nafn endurspeglar betur markmið og tilgang nefndar.
  • 10.3 2606025 Öruggara Suðurland - skýrsla vinnuhóps
    Fjölskyldunefnd - 32 Nefndin þakkar fyrir greinargóða skýrslu og leggur til að hún verði höfð til hliðsjónar við undirbúning og framkvæmd kjötsúpuhátíðar.

11.Heilsu-, íþrótta- og æskulýðsnefnd - 79

2606010F

Fundargerð 79. fundar heilsu-, íþrótta- og æskulýðsnefndar Rangárþings eystra lögð fram til staðfestingar.
Fundargerð staðfest í heild sinni.
Samþykkt með þremur samhljóða atkvæðum.

12.Skipulags- og umhverfisnefnd - 85

2606008F

Fundargerð 85. fundar skipulags- og umhvefisnefndar Rangárþings eystra lögð fram til staðfestingar.
Fundargerð staðfest í heild sinni.
Samþykkt með þremur samhljóða atkvæðum.
  • 12.1 2606049 Kosning formanns og varaformanns - Skipulags- og umhverfisnefnd
    Skipulags- og umhverfisnefnd - 85 Anton Kári, sveitarstjóri leggur fram tillögu um að Andri Már Óskarsson verði kjörin formaður og Bjarki Freyr Sigurjónsson varaformaður. Samþykkt með sex samhljóða atkvæðum.
  • 12.2 2606072 Skipulags- og umhverfisnefnd; Erindisbréf 2026-2030
    Skipulags- og umhverfisnefnd - 85 Anton Kári fór yfir erindisbréf og fór yfir áherslur og skyldur.
  • 12.3 2606063 Umhverfisverðlaun Rangárþings eystra 2026
    Skipulags- og umhverfisnefnd - 85 Skipulags- og umhverfisnefnd felur umhverfis- og garðyrkjustjóra ásamt markaðs- og kynningarfulltrúa að vinna málið áfram.
  • 12.4 2502044 Gatnagerð - Suðurlandsvegur
    Skipulags- og umhverfisnefnd - 85 Skipulags- og umhverfisnefnd hvetur Vegagerðina til að endurskoða gatnamótin við Hlíðarveg og meta hvort það sé þörf á beygjuvasa til vinstri. Einnig telur nefndin að meta hvort þurfi að lengja umferðareyju á Hlíðarvegi að hringvegi.
  • 12.5 2605027 Ósk um skilti eða staðvísir - Southcoast, við Austurvegur 15
    Skipulags- og umhverfisnefnd - 85 Skipulags- og umhverfisnefnd bendir á að skiltið sé háð byggingarleyfi. Skipulags- og umhverfisnefnd felur skipulags- og byggingarfulltrúa að grenndarkynna framkvæmdina til þinglýstra eigenda að Austurvegi 15 ásamt Lyngmóa 5.
  • 12.6 2606057 Umsagnarbeiðni vegna matsskyldufyrirspurnar í Tunguvirkjun í Keldnalæk í Rangárþingi ytra
    Skipulags- og umhverfisnefnd - 85 Skipulags- og umhverfisnefnd óskar eftir að haft verði samráð við sveitarfélagið vegna fyrirhugaðra framkvæmdar en framkvæmdin er við hverfisvernd og vatnsból Hvolsvallar. Nefndin óskar einnig eftir vettvangsferð og/eða kynningu frá Afl og Orku um verkefnið.

    Skipulags- og umhverfisnefnd felur skipulags- og byggingarfulltrúa að vinna áfram að drögum umsagnarinnar eftir að samráð hefur átt sér stað.
  • 12.7 2606027 Umsókn um framkvæmdarleyfi - endurnýjun á hitaveitulögn undir Suðurlandsvegi
    Skipulags- og umhverfisnefnd - 85 Skipulags- og umhverfisnefnd gerir ekki athugasemd við umsóknina og leggur til við sveitarstjórn að framkvæmdarleyfið verði veitt. Skipulags- og umhverfisnefnd fer fram á að framkvæmdaraðili tilkynni framkvæmdina og lokunarplan til viðbragðsaðila á svæðinu.
  • 12.8 2606034 Framkvæmdarleyfi - lagningar neðansjávarvatnsleiðslu NSL4 til Vestmannaeyja
    Skipulags- og umhverfisnefnd - 85 Skipulags- og umhverfisnefnd leggur til við sveitarstjórn að framkvæmdarleyfi verði veitt, eins og henni er lýst í framlögðum gögnum. Nefndin hvetur framkvæmdaraðila til að upplýsa landeigendur Bakka, L163845 um framkvæmdina.
  • 12.9 2601063 Merkjalýsing - Hvítanes
    Skipulags- og umhverfisnefnd - 85 Skipulags- og umhverfisnefnd leggur til við sveitarstjórn að landskiptin verði samþykkt en að staðföngin verði Hvítanes A og Hvítanes B með vísan í reglugerð 577/2017 um skráningu staðfanga og handbækur HMS.
  • 12.10 2602042 Deiliskipulag - Fossengi úr landi Brúar
    Skipulags- og umhverfisnefnd - 85 Tillagan var send til lögbundinna umsagnaraðila og auglýst frá 16. mars til og með 30. apríl 2026. Náttúruverndarstofnun veita ekki umsögn þar sem svæðið er ekki skilgreint með sérstaka vernd, Heilbrigðiseftirlit Suðurlands bendir á að fjalla þarf um fjölda gesta og fara fram á samráð varðandi fráveitu. Minjastofnun gerir ekki athugasemd. Vegagerðin gerir ekki athugasemdir en bendir á kröfur Vegagerðarinnar, m.a. að ef komi til frekari uppbyggingar skuli öðrum vera heimilt að samnýta vegtenginguna.
    Veðurstofa Íslands gerir athugasemd við tillöguna þar sem svæðið er á skilgreindu hættusvæði vegna mögulegra eldgosa og jökulhlaupa. Bætt hefur verið við í tillöguna að viðbragðsáætlun almannavarna vegna náttúruvá skuli vera aðgengileg bæði ábúendum og gestum. Skipulags- og umhverfisnefnd hvetur landeigendur að kynna sér áætlunina.
    Skipulags- og umhverfisnefnd leggur til við sveitarstjórn að tillagan verði afgreidd skv. 42. gr. skipulagslaga nr. 123/2010.
  • 12.11 2601038 Deiliskipulag - Austurvegur 10
    Skipulags- og umhverfisnefnd - 85 Skipulags- og umhverfisnefnd leggur til við sveitarstjórn að framlögð tillaga verði auglýst skv. 43. gr. skipulagslaga nr. 123/2010.
  • 12.12 2407067 Deiliskipulag - Dufþaksbraut 6-8
    Skipulags- og umhverfisnefnd - 85
  • 12.13 2606078 Deiliskipulag - Hvolsvegur 5, breytingar á byggingarreit
    Skipulags- og umhverfisnefnd - 85 Skipulags- og umhverfisnefnd felur skipulags- og byggingarfulltrúa að tillagan verði grenndarkynnt fyrir lóðarhöfum að Austurvegi 10, L164466, Hvolsvegi 7, L164265, Hvolsvegi 9, L164266 og Hvolsvegi 9a, L164267.

13.Markaðs- og menningarnefnd - 33

2606012F

Fundargerð 33. fundar markaðs- og menningarnefndar Rangárþings eystra lögð fram til staðfestingar.
Fundargerð staðfest í heild sinni.
Samþykkt með þremur samhljóða atkvæðum.

14.Bergrisinn; 94. fundur stjórnar - 15.06.2026

2606071

Fundargerð lögð fram til kynningar.

15.Sorpstöð Rangárvallasýslu bs; 256. fundur stjórnar - 22.06.2026

2606076

Fundargerð lögð fram til kynningar.

16.Heilbrigðiseftirlit Suðurlands; Einföldun regluverks og stofnun atvinnuveganna - næstu skref

2606058

Lagt fram til kynningar.

17.Vegna samkomulags við ríkið varðandi börn með fjölþættan vanda - 23.06.2026

2606092

Byggðarráð Rangárþings eystra lýsir yfir þungum áhyggjum af nýrri reglugerð mennta- og barnamálaráðuneytisins sem gengur gegn samkomulagi ríkis og sveitarfélaga frá 19. mars 2025 um ábyrgð á þjónustu við börn með fjölþættan vanda. Með reglugerðinni hefur ríkið einhliða þrengt skilgreiningu á hópnum sem skilur þannig eftir ábyrgð og kostnað hjá sveitarfélögum sem á grundvelli samkomulagsins á heima hjá ríkinu.
Byggðarráð telur breytinguna óásættanlega, án fullnægjandi faglegra raka og fela í sér alvarlegan trúnaðarbrest af hálfu ríkisins gagnvart sveitarfélögum. Skorað er á ráðuneytið að afturkalla reglugerðina og taki þá ábyrgð og skuldbindingu sem samið var um.
Til máls tóku AKH,
Samþykkt með þremur samhljóða atkvæðum.

Fundi slitið - kl. 08:34.