Stofnaður hefur verið minningarsjóður um Guðrúnu Gunnarsdóttur

Frú Ása Guðmundsdóttir á Hvolsvelli hefur stofnað minningarsjóð til minningar um dóttur sína Guðrúnu Gunnarsdóttur, f.5. maí 1958 d.29. april 1983.  

Tilgangur sjóðsins er að styrkja  efnilega tónlistarnemendur í Rangárvallarsýslu með fjárframlögum. Guðrún var mikill unnandi tónlistar og lærði á píanó í Tónlistaskóla Rangæinga á Hvolsvelli. Hún átt ekki langt að sækja tónlistaráhuga sinn, en hann sótti hún til föður síns Gunnars Guðjónssonar hljómsveitastjóra á Hvolsvelli sem einnig er látinn.

Tekjur sjóðsins eru vaxtatekjur af stofnframlagi svo og útgáfa minningarkorta. Kortin er hægt að nálgast hjá Sigurlínu Óskarsdóttur  Norðurgarði 20 Hvolsvelli síma 895-8137 og Gyðu Guðmundsdóttur Freyvangi 3 Hellu sími 487-5918.

Stjórn sjóðsins skipa Ísólfur Gylfi Pálmason formaður, Ágúst Sigurðsson gjaldkeri og Sigurlín Óskarsdóttir ritari. Varamenn Júlíus P. Guðjónsson, Séra Gunnar Björnsson og endurskoðandi Águst Ingi Ólafsson.